Rural Development Department hnuaia scheme pakhat, Shyama Prasad Mukherji Rurban Mission (SPMRM) chuan State Level Empowerment Committee (SLEC) meeting, Chief Secretary chairman na hnuaiah vawiin khan Chief Secretary Conference Hall, New Secretariat-ah neih a ni. 

He meeting-ah hian National Rurban Mission (NRuM) hnuaia Thingsulthliah R.D Block Rurban Cluster (Phase II) atana Detailed Project Report (DPR) pawmpui tur a chhawpchhuah a ni a. Hemi bakah hianah tun hnaia SPMRM-ah hian India ram pum huapa ti tha ber (North East State category hnuaiah) Award Mizoram in an lak avanga Central Ministry in Phase III atan Rurban Cluster 2 (pahnih) min rawn phalsak chungchang rel tel a ni bawk. Phase III cluster atan hian East Lungdar leh Khawzawl Cluster-te chu thlanfel an ni.