857/2023-2024

Vawiin khan Remna Ni 2023 lo thleng tur lawmna chi khat atan District tinah Higher Secondary School zirlaite pualin Essay inziahsiak buatsaih a ni a, essay thupuiah “Political History of Mizoram: 1947 (post independence) to 1987 (statehood i.e 20th February 1987) tih hman a ni.

Essay competition hi District khawpui tinah DPC, Samagra Shiksha te kaihhruaiin neih a ni a, Essay inziahsiak hi District level leh state level a inelna tur a ni. District level-a a titha thlan chhuahte chu state level a intihsiakna atan State Project Director Samagra Shiksha office-ah thehluh a ni ang a, District tin atanga a titha thlan chhuahte essay ziah atang hian state level-a lawmman dawng turte thlan leh an ni ang. District Level competition-ah hian lawmman pakhatna Rs 30,000, pahnihna Rs 20,000, pathumna Rs 10,000 bakah certificate pek an ni ang a, state levelah pawh hetiang zat bawk pawisa fai leh certificate te pakhatna atanga pathumna lawmman dawngtute hnenah pek an ni ang.

Vawiina District level essay competition-ah hian District tin atanga report dawn belhkhawmah chuan Higher secondary school 79 an tel thei a, heng school atang hian zirlai 274 an tel a ni.

Naktuk June 21,2023 hian District tinah Remna Ni 2023 pual hian District Level Quiz Competition neih a nil eh dawn a, State Level competition chu June 27,2023 ah neih a ni dawn a ni.  Quiz leh Essay inziahsiak State Level-a lawmman dawngte chu June 30,2023 Remna Ni lawmnaah sem tur a ni.