Vawiin khan PAMRA Neuva District Hqrs Mamit  buatsaihin Siamliana Hall Mamit Charkawnah Remna Run Day hman a ni a, he hun hi Pi Lalbiaksangi, District Bawrhsap chuan khuallian niin a hmanpui. 

Hun hmanpuitu Khuallian Pi Lalbiaksangi District Bawrhsap chuan Remna kan neih theihna tura hnam pasaltha te rawn haw champha phak hriatrengna hun buatsaih tute chungah lawmthu a sawi a,  remna leh muanna hlutzia hre tur chuan rambuai hreawmzia kan hriat a ngai a ni a ti, Mizoramin remna tluantling kan neih theihna tura mahni nunna thapa lo beitu PAMRA member zawng zawngte zahna chibai a buk , thang leh thar ten he remna leh muanna kan ramin kan neih chu a hlutzia hria a  chhawmnung zel turin kalkhawmte a chah a ni. 

Pu Lalromawia Treasurer PAMRA Neuva District Hqrs pawhin thusawiin mizoramin remna leh muanna kan neihna kawnga sul lo sutu te thawhrah chu thangthar zawkte pawhin kan hriatreng a tulzia sawiin remna hlutzia kan hriat thar leh theihna tura hun buatsaih a nih thu a sawi. 

He hun hi Pu C. Lalsawmliana, President, Neuva District Hqrs Mamit chuan kaihruaiin Pu Lalchhuanawma Adviser PAMRA District Hqrs  chuan Mamit District chhunga an dinhmun tlangpui report a pe a, Mamit District chhunga PAMRA member te leh an chhungte he hunah hian an tel a ni.