2510/2026-2027

Dated : Mamit the 5th of October, 2026 : Vawiin khan DC Conference Hall,Mamit-ah Bye-Election to Rengdil Village council, 2026 lo awm tur atana Summary Revision of Electoral Roll, 2026 neih tura Draft Electoral Roll chu Pu Suvigya S Chandra,District Election Officer chuan a tlangzarh. 

Pu Suvigya S Chandra chuan State Election Commission of India thuchhuak anga Rengdil Village Council, Bye-Election, 2026 neih tur a nih thu sawiin Summary Revision kalpui a nih chhungin roll a chuang tur leh chuang thei te'n hun tiam chhunga hming chuang ngei tura ngaihven turin a chah. Summary Revision of Electoral Roll, 2026 tluang tak leh hlawhtling taka neih a nih theih nan Election Officials, Political Party, Tlawmngai pawl leh thutharthehdarhtute thawhpuiah a sawm. 

Draft Electoral Roll tlangzarh takah hian vote nei mi 1426 awmin, mipa 703 leh hmeichhia 723 an awm a. Rengdil Village Council huamchhungah hian in 413 awmin VC seat 5 a awm bawk a ni.

Summary Revision of Rengdil Village Council, 2026 neih turah hian Claims & Objection fill-up theih hun chhung hi 05.10.2026 (Thawhtanni) - 15.10.2026 ( Ningani) thleng a ni a, Disposal of claims & objections  hi Ni 16.10.2026 ( Zirtawpni) - 23.10.2026 ( Zirtawpni) a ni ang. Final Electoral Roll hi 02.11.2026 (Thawhtanni) ah tlangzarh tura ruahman a ni a. Roll a in thun thar turte tan hian 01.01.2026 - a kumtling chin an ni tur a ni.

Draft Electoral Roll, 2026 tlangzarh tak hi Pu Suvigya S Chandra chuan a copy political party aiawhte a hlan nghal a ni. 

Vawiin Rengdil Village Council Draft Electoral Roll, 2026 tlangzarhna hunah hian Elections officials, Political Party, tlawmngai pawl aiawhte leh thutharthehdarhtute an tel a ni.