2509/2026-2027

Siaha, 5th October 2026: Deputy Commissioner's Office Siaha leh District Information Public Relations Office, Siaha-te buatsiahin Right to Information Act (RTI) Week Observance chu vawiin khan DC's Conference Hall Siaha-ah hman a ni a, District Bawrhsap Pi Saizikpuii chu khuallian niin a hmanpui.

Khuallian Pi  Saizikpuii chuan thusawiin mipuite dikna chanvo pawimawh tak RTI chungchang inhrilhhriattirna programme buatsaih a ni chu lawmawm a tih thu a sawi a. RTI chu mipui ten sawrkar atanga information an duhte dan ang taka an neih theihna chanvo a nih bakah sawrkar hnathawkte fimkhur phahna tur a ni a ti bawk. Department tin te sawrkar file vawng felfai tur leh langtlang taka thil kalpui turin sawrkar hnatawkte  chu a fuih bawk a. Sawrkar hnathawkte chu office kalte hnenah an record leh data RTI hmanga entlak anih theih nan uluk taka vawng tha turin a chah a ni. RTI chu mipuiten tangkai leh tha taka hmang turin a chah bawk a, hman sual erawh chuan a pawi hle a, sawrkar khalh ngil tu, official-te kalsual tur laka vengtu tha tak anihna anga hman thiam a pawimawh a ti bawk. 

Vawiin RTI 2026 programme ah hian Pi Rita Lalthianghlimi, Superintendent, DC's Office Siaha chuan RTI chungchangah presentation a pe a, RTI Act 2025 leh Mizoram RTI Rules 2010 bakah SPIO, SAPIO leh mipuite hraittur pawimawh zualte sawifiahin, ziritrna hun a hmang a ni. Department tina SPIO leh SAPIO te chu RTI thil tum tihlawhtling tura tha taka thawk turin leh mipui lam pawh sawrkar tibuai zawng ni lovin, a tangkai leh hmasawn zawnga RTI chu hmang turin a chah bawk a ni

Vawiin programme hi Pu Abraham Beirazi Khithie, Addl. Deputy Commissioner, Siaha chuan a kaihruai a, Pi Rita Lalthianghlimi, Superintendent, DC's Office Siaha chuan concluding remarks sawiin hun  a ti tawp a, Siaha khaw chhunga head of office te leh NGO aiawhte an tel a ni. RTI observance week hi kum tin October ni 5-12 chhung hman thin a ni.