Kumin Republic Day chu ram chhung hmun dangte ang bawkin Mizoramah pawh ropui leh urhsun taka hmang turin inbuatsaihna ngawrh taka kalpui mek zel a ni a. Mizorama he ni lawmna pui ber chu Aizawl Sipai Lammualah zing dar 9 ah Mizoram Larsap Pu Vakkom Purushothaman chuan hnam puanzar pawt pharhin sipai lamte chibai buk a chhanglet anga, thuchah a sawi ang. Hnathawk tha hrang hrangte hnenah medal leh award semin, parade ho leh he ni pual infiamna hrang hranga titha te hnenah Larsap hian lawmman a sem zui nghal dawn a ni. Chhun dar 11-ah Larsap chenna in Raj Bhavan-ah sawm bikte tan thingpui inhona buatsaih a ni ang. Republic Day ni ah hian zing nichhuah atangin mimal, zirna in leh sorkar hmun hrang hrangah te hnam puanzar zar tur an ni.

Aizawl Sipai Lammual Republic Day lawmnaah hian a duh apiang tel tura sawm an ni.

Hetihlai hian District leh Sub Division hmunpui hrang hrangah te pawh he ni lawmna tura inbuatsaihna hi kalpui niin ruahmanna peihfel thawkh