Republic Day 2013 atana Guard of Honour Cadet-ah F. Lalrochama s/o V. Lalbiaktlinga, Khawzawl, tuna Vaivakawna khawsa mek chu thlanchhuah tlemte zingah a tel a. Ani hi Mizoram NCC Cadet zinga Republic Day Guard of Honour Cadet hmasaber a ni. F. Lalrochama hi Govt. Johnson College-ah B.A. IInd Semester zirlai niin College Students Union-ah Games & Sports Assistant Secretary a ni bawk.

Ani bakah hian Mizoram NCC atangin Cadet 5 te chu Republic Day Cadet atana thlan an ni a. C. Lalrinhlui, Pachhunga University College zirlai chu Rajpat Cadet atana thlan a ni bawk. Heng Cadet thlanchhuah bikte hi President, Prime Minister, Chief of Army Staff, Chief of Naval Staff leh Air Chief Marshall ten chhunchaw ei turin an sawm thin a. India ram hmun pawimawhte pawh fanpui an ni bawk thin a ni.