Vawiin chawhnu khan DC Conference Hall, Keifangtlangah Champhai Bawrhsap Pu Vanlalngaihsaka kaihhruaiin kumin Republic Day hman dan tur leh Department hrang hrang mawhphurhna te sawi hona neih a ni a. He hunah hian Sorkar Office hotute leh tlawmngai pawl hrang hrang aiawhte an tel a ni.

Republic Day lawmna hi Chhangphut Field-ah zing Dar 10:30-a hman tura ruahman niin, Champhai Bawrhsap khuallian a ni ang a. Parade Contingent 20 chuang beisei niin, an zingah hian School Contingent bakah Police, Ex-Servicemen leh Pipe Band tel tura ruahman a ni.

Republic Day pual hian Champhai Town Area-a Sorkar Office ho atangin an remchang anga mi harsa zawk tanpuina tur khawn nise tia rel niin, a khawn khawm leh sem hi Champhai Officers' Club kutah dah a ni a. Independence Day lawmna Chhangphut Field-a neih zawh hian sawm bikte tan 'At Home' function DC Quarter tualah neih a ni bawk ang.