Kum 2018 Republic Day lawm dan tur rel in vawiin khan Aizawl DC Conference Hall-ah Aizawl Deputy Commissioner Dr. A. Muthamma, IAS, kaihhruaiin Department hrang hrangte leh NGO-te an thukhawm. 

Republic Day-ah hian sawrkar leh private building-ah zing ni chhuah rualin hnam puanzar pawhpharh a ni ang a. Sakhaw hrang hrangte chu ram himna leh inlungrualna atan tawngtaina nei tura ngen an ni ang. Kum dang ang bawkin Zing dar 9 ah Mizoram Governor in Aizawl Sipai Lammualah hnam puanzar a pawtpharh ang a. Parade Contingent hrang hrang ten January ni 16 atangin lam an zir ang a, January ni 24 ah Sipai Lammualah Final Rehearsal neih a ni ang.

School contingent tel tur zawng zawngte hi Republic Day hma in medical check-up uluk taka neih pui anni dawn a, ei leh in tur pawh mumal zawka pek tum an ni. Republic Day hi hlawhtling taka lawm a nih theih nan a kaihhnawih department hrang hrangte mawhphurhna semzai a ni bawk.