Vawiin hian Serchhip DC Conference Hall-ah Bawrhsap Pi Sangchhin Chinzah hovin kan hma lawk January ni 26 a lo thleng tur India Republic Day vawi 70 na lawm dan tur relin mi pawimawh te an thukhawm a. Republic Day hlawhtling tak hman a nih theih nana tih tur pawimawh hrang hrangte rel a ni.

Pi Sangchhin Chinzah chuan, India ramin ama siam ngei ram danpui a hman tanna ni hriatrengna, ram tana ni pawimawh tak hlawhtling taka Serchhipa hman a nih theih nan sawrkar hnathawk zawng zawngte, tlawmngai pawl leh khawtlang hruaitute leh kohhran hotute thawhpuiah a sawm a. Department hrang hrang leh mimal hrang hrang te hnena tih tur an intukte tha taka tihlawhtling theuh turin a ngen bawk.

Meeting chuan, a hmanna hmun lian ber atan Khawtetlang Field a thlanga, a hun atan zing dar 11:00 ruatin, Ground a hun hman zawhah hian DC Bungalow ah At Home Tea Party neih nghal a ni ang. He ni atana khuallian hi thuneitu sang zawk atanga rawn ruat a awm loh chuan Serchhip Bawrhsap hman tur a ni ang. Parade Contingent 14 ruahman a ni a. He ni denchhen hian Volleyball Tournament buatsaih tur a nih bakah Home leh Jail te hnenah thilpek buatsaih tur a ni bawk. Vawiina meeting hian Republic Day hmanna hmun sawngbawl leh thil tul dang hrang hranga mawhphurtu turte a ruat fel nghal a ni.

Meeting ah hian District Officers te, tlawmngaipawl leh khawtlang hruaitute, chanchibumite leh sawm bik mi pawimawh engemawzat an tel a ni.

Attachment

  • Loading attachment...