Republic Day, 2020 chu India ram hmun dang ang bawkin ni 26th January, 2020 (Pathianni) khian Mizoram hmun hrang hrangah hman tum a ni a. Aizawl-ah chuan a hnuaia mi ang hian programme duan fel a ni.

Zing ni chhuah rualin Sorkar building leh mimal inah te Hnampuan zar a ni ang a. Sakhaw hrang hrang Biak Inah India ram leh mipuite tana tawngtai sak a ni bawk ang.

Zing dar 6:58 ah Aizawl Republic Day Programme hmanna tur pui ber A.R Lammual-ah Khuallian tur Mizoram Larsap Pu P.S.Sreedharan Pillai a lo thleng anga, Hnam Puanzar a pawtparh hnuah March Past Parade Contigent-te a tlawh kual hnuin Republic Day thuchah a sawi nghal ang.

Chumi hnuah National/State Awards sem tur a awm chuan a sem ang a, Parade Contigent-te hnenah lawmman sem nghal a ni bawk ang.

Chhun Dar 12:00 ah sawmbikte nena thingpui in ho Governor’s ‘AT HOME’ Zoram Larsap In tualah neih zui nghal a ni ang.

Republic Day lawmna turah hian A.R.Ground ah kal tur leh tel turin mi zawng zawng sawm an ni e. A.R.Ground-a Republic Day lawmna hi DDK Aizawl chuan 'live' in an pechhuak dawn a ni.