Aizawl City Traffic Police chuan Ramhlun Sports Complex-a Republic Day lawmna function a motor tlan dan tur leh park dan tur a hnuai ami ang hian ruahmanna an siam :

1. HMV : Parade Contingent phur zawng zawng Bawngkawn lam atanga lo pheiin RL Building bul Ex-C.M. Pu Zoramthanga te In bul velah an in drop vek ang a, tichuan Chanmari ah chhuak phei lehin Bawngkawn lamah an kal leh ang a. Ramhlun N Diet peng bul Zangena petrol Pump velah an dah/park ang. Ground lamah HMV pakhat mah a lut thei lo. Parade zawhah naupang pick-up turin RL Building bulah an phei leh chauh ang.

2. LMV : LMV te Industry pengah chhukin Ramhlun Venglai Biak In thlang ah kal in field chungah an in drop anga, an pu te an drop zawhah Ramhlun Vengthar ah an chhuak phei anga an rawn kal lama an rawn luh danin an rawn lut leh ang a, field chung parking siamah an park ang.

3. Two Wheelers : Field thlang kawng sir zau laiah an park ang.

4. Parking : (a) VIP, VIP & Elected te chu field chhak Basketball Court ah an park ang. (b) Joint Secretary chin Volleyball Court ah an park ang. (c) Khing parking a leng lo te tan Ramhlun Vengthar Biak In hnuai lamah park tur a ni.

5. Lirthei tlan dan hi One Way tur anih laiin VIP te an haw dawn chuan an lo kalna lamah a pangaiin an kir leh ang.