Mizoram a Republic Day 2010 lawmna pui ber chu AR Ground (Sipai Lammual) ah vawiin chawhma dar 9:00 khan neih a ni a, hetah hian Khuallian chu Mizoram Governor Lt. Gen. (Rtd.) M.M.Lakhera, PVSM, AVSM, VSM a ni.
Larsap chuan January 26, 1950 chu theihnghilh chi a nilova, Danpui hman tanna leh dikna, zalenna, intluktlanna leh inunauna rorelna tluantling mipui kuta pekna ni a ni tiin kalkhawmte chu lawmna leh duhsakna chibai bukna a nei a ni.
Kum 60 kalta chhunga rampumin hmasawnna namenlo a neihte sawiin kum 2020 a India ram, ram changkanga hlan chhoh tumna chu suangtuahna mai nilovin hlen ngei tum a nih thu Larsap chuan a sawi bawk.
“Ka sawrkar chuan kum khat hmel hmu in, sawrkar fel leh fai hlemhletna tello siam turin chak takin hma kan la mek a ni” tiin Larsap chuan remna leh muanna boruak chu hmasawnna tak tak thleng turin a pawimawh a, Dan leh thupek kenkawh kawngah hma chak takin an lak thu sawiin dan bawhchhiate chu dimdawi an nih loh tur thu a tarlang.
Sawrkar hmalakna hrang hrang sawilanna a neih zingah Larsap chuan retheite dawm kanna tur NLUP tan thuai a nih tur thu sawiin, mipuite hriselna atan ruahmanna te, kawlphetha hnianghnar zawkna tur leh inkalpawhna tha siam hna chu ngawrh takin beih mek a nih thu a sawi.
Kohhran, tlawmngai pawl, sawrkar hnathawk leh thuthar lakhawmtute (Media) te tawiawmna avangin Larsap hian lawmthu a sawi bawk, sawrkar in mipuite beisei hmasawnna chu hlenchhuah ngei a nih theih nan tan ho zel a duh thu a sawi bawk.
Vawiin Republic Day lawmna ah hian Chief Minister Pu Lal Thanhawla te nupa bakah, Ministers, Speakers, Parliamentary Secretaries, MLAs, Chief Secretary leh Officer thahnem tak an tel.
Hnam puanzar chibai bukna Armed Contingent, Un-armed, NCC, Ex-Servicemen, Scouts & Guides leh School naupangten an neih chu Larsap Lt. Gen. (Rtd.) M.M.Lakhera chuan a chhang a, heng lam ho hi Band Party hrang hrang ten mawi takin an lo remsak a ni. Vawiin Parade lawmman dawngtute chu, Armed Contingent ah 5th IR Bn. pakhatna, pahnihna MRHG, pathumna 3rd Bn. MAP an ni. Unarmed Contingent ah Home Missions School NCC chu pakhatna niin, Ex-Servicemen pahnihna, pathumna ah St. Pauls HSS Scouts & Guides an ni. School Contingent ah chuan New Horizon School of Edn. chu pakhatna, pahnihna ah Brighter HSS leh pathumna ah Republic HSS te an ni. Band Party ah 10 AR pakhatna, pahnihna 1st Bn. MAP, pathumna ah MRHG, palina ah 3rd Bn. MAP te an ni.
Kum 60 kalta chhunga rampumin hmasawnna namenlo a neihte sawiin kum 2020 a India ram, ram changkanga hlan chhoh tumna chu suangtuahna mai nilovin hlen ngei tum a nih thu Larsap chuan a sawi bawk.
“Ka sawrkar chuan kum khat hmel hmu in, sawrkar fel leh fai hlemhletna tello siam turin chak takin hma kan la mek a ni” tiin Larsap chuan remna leh muanna boruak chu hmasawnna tak tak thleng turin a pawimawh a, Dan leh thupek kenkawh kawngah hma chak takin an lak thu sawiin dan bawhchhiate chu dimdawi an nih loh tur thu a tarlang.
Sawrkar hmalakna hrang hrang sawilanna a neih zingah Larsap chuan retheite dawm kanna tur NLUP tan thuai a nih tur thu sawiin, mipuite hriselna atan ruahmanna te, kawlphetha hnianghnar zawkna tur leh inkalpawhna tha siam hna chu ngawrh takin beih mek a nih thu a sawi.
Kohhran, tlawmngai pawl, sawrkar hnathawk leh thuthar lakhawmtute (Media) te tawiawmna avangin Larsap hian lawmthu a sawi bawk, sawrkar in mipuite beisei hmasawnna chu hlenchhuah ngei a nih theih nan tan ho zel a duh thu a sawi bawk.
Vawiin Republic Day lawmna ah hian Chief Minister Pu Lal Thanhawla te nupa bakah, Ministers, Speakers, Parliamentary Secretaries, MLAs, Chief Secretary leh Officer thahnem tak an tel.
Hnam puanzar chibai bukna Armed Contingent, Un-armed, NCC, Ex-Servicemen, Scouts & Guides leh School naupangten an neih chu Larsap Lt. Gen. (Rtd.) M.M.Lakhera chuan a chhang a, heng lam ho hi Band Party hrang hrang ten mawi takin an lo remsak a ni. Vawiin Parade lawmman dawngtute chu, Armed Contingent ah 5th IR Bn. pakhatna, pahnihna MRHG, pathumna 3rd Bn. MAP an ni. Unarmed Contingent ah Home Missions School NCC chu pakhatna niin, Ex-Servicemen pahnihna, pathumna ah St. Pauls HSS Scouts & Guides an ni. School Contingent ah chuan New Horizon School of Edn. chu pakhatna, pahnihna ah Brighter HSS leh pathumna ah Republic HSS te an ni. Band Party ah 10 AR pakhatna, pahnihna 1st Bn. MAP, pathumna ah MRHG, palina ah 3rd Bn. MAP te an ni.
Attachment
- Loading attachment...
