Tukin Zing dar 7:00 khan Republic Day vawi 63-na chu Khawbung Zawlbuk tualah hman a ni.

Republic Day lawmna mual inkhawmah hian Khuallian - Pu Lalrohlua, BDO, Khawbung RD Block chuan Hnam Puanzâr a pawt pharh a. Khuallian hian Republic Day Thuchah sawi nghâlin: he Ni Ropui hi India Danpui kan hman tanna ni - dikna, zalenna, intluktlanna leh inunauna a thu laimu a nih thu leh sorkar hmalakna hrang hrangte a tarlang a.Khawbung RD Block huam chhunga hmasawnna hrang hrang tihhlawhtlin tawh leh kalpui mêk te chu a tarlang bawk.

Khuallian thu sawi zawh hian 14th Assam Rifle, Khawbung Higher Secondary School leh Blue, Green, Red Hause - Govt Khawbung High School March Pass Contingent te chuan zahna chibai an bûk a. Pu Lalthlengliana \'Zo nun aw, zonun mawi\' tih hla mawi taka sain mipui kal khawm te a awih hnuah, Khawbung Branch MHIP te\'n Cheraw kân an entir bawk.