Vawiin khan Lunglei DC Conference Hall-ah Pi Saizikpuii, SDO(Sadar) kaihhruaiin meeting neih a ni a, Republic Day 2017 hmang tura Department tin te inpuahchah dan an sawiho.

He meeting ah hian Republic Day 2017 hmanna tura department hrang hrangte chanvo neih dan leh hmalak tawh dan te sawi ho a ni a. Tun kum Republic Day 2017 hi Thuamluaia Mualah hman leh a ni anga, Lunglei DC leh DRDA Project Director ni bawk Pu K. Lalrohlua chu Khuallian a ni ang. Republic Day pual hian sports item pathum - Tennis, Chess leh Snooker leh Billiard tournament te buatsaih a ni a. Republic Day Parade ah hian Contingent 20 - Armed 2, Unarmed 4, school contingent 12 leh Pipe Band 2 te an tel dawn a ni. 1st Assam Rifles ten Dog Show an buatsaih dawn bawk a ni. Pi Saizikpuii chuan department tin te chu mahni chanvo theuh ti hlawhtling turin a ngen a, DC Office pawh an inpeih fel thawkhat thu a tarlang a ni.