Nimin khan Kut Hnathawktute Ni lawmna inkhawm Thingsai Community Hall ah neih a ni a, Pu S Laldingliana, Vice Chairman, HPC Lunglei in a hmanpui.

Kut Hnathawktute Ni lawmna inkhawm hi Pu Lalrohlua, Project Director, DRDA Lunglei chuan kaihhruaiin, Khuallian Pu S Laldingliana chuan thu sawiin Lunglei District chhunga kut hnathawktute Ni lawmna tur khaw pathum thlan zing ah Thingsai khua a tel chu an vanneih zia hria se a duh thu sawiin sorkarin Thingsai khua mipui te hnathawh nasat zia a hria a ni a ti. Pu S Laldingliana chuan tuna Mizoram sawrkar chu mirethei leh chanhai te lam hawi Pathian lam hawi programme nei a ni a ti. NLUP hmangin chhungkua tam tak an dingchhuak tawh a, an ding chhuak zel dawn bawk a ni tiin NLUP la hlawhtlinpui lo te chhawmdawl nan NEDP ah sorkar chuan cheng vaibelchhe 250 a dah leh tawh thu a sawi a ni.

He hun ah hian NLUP Beneficiaries atang in Pu C.Lalmuana (Mango Trade), Pu C.Larengliana (Coffee trade) leh Pu K.Lalthlanmawia (Industry) ten minute 5 theuh thusawinna hun an nei a, Pu K.Pakunga chuan Kut Hnathawktute Ni thupui "Hah tak leh rim taka thawk chungin kan ei zawk a ni" tih hmang in thusawinna neiin Pu K.Lahlira, Chairman VLNC Thingsai chuan lawmthusawi na a nei a ni.