Republic Day lawmna chikhat atan, nimin chawhnu dar 2 khan Vairengte Field No II ah Vairengte Police (MRP) leh Dholai Police (AP) te chuan Football Friendly Match an khel a, he inkhelah hian Dholai Police te hi 2-1 in an chak a ni. He hunah hian Cachar (Assam) lam atangin Bagha Panchayat, Circle Inspector Sonai, Dholai OC; Forest Range Officer, Dholai bakah Department thenkhat a an hotute an rawn kal a. Vairengte lam atangin Dr Arun T, SDO(C) leh tualchhung officer thenkhat an tel bawk a ni.

He hunah hian Dr.Arun T, SDO(C) chuan thusawiin, he hun hi state pahnih ten ramri a thawhhona tha zawk kan neih zel theih nan i hmang ang u a ti.