Thian duhtak te u,   

Vawiin India Republic Day vawi 66-na ah hian Mizoram mipuite leh in zavaiin chibai ka buk che u a, duhsakna sang ber ka hlan a che u. Kum 66 liam ta ah khan India ram chu mipui thuneihna Democratic Republic ram niin rorelna dik tak hnuaiah mitinin zalenna leh chanvo intluk tlang a, ram mipui zawng zawngte unau anga khawsa ho turin Constitution thlazar hnuaiah tha taka hung kan lo ni a. Hun kal tawhte thlir letin, India ramin ke a pen thui tawh dan leh a hmasawnnate kan chhuan em em rualin a ram mipui te Dan pakhat hnuaiah zalen tak leh chanvo intluk tlanga kan khawsak ho theihna tura India Constitution ropui tak lo duang chhuaktu ram hruaitu hmasa te kha vawiin ah hian zahna chibai buk ila. Kan Constituion in a ken, democracy rorelna kalphung ropui tak hi chawinung a, humhalh leh ti chak deuh deuhturini inhlan thar leh ang u.

In hlimna leh lungngaihna te, tawrhna leh hlawhtlinna te, hnam nun leh tihdan phung te leh thu leh hla te tawmpui tur che u-in State Larsap angin Mizoram ah hian ka lo kal a, Mizo hnam nuna tel ve tur leh khua leh tuia tang veturinka rawn kal a ni.

Mizoram hi kawngtinrengaStatehmasawn, hrisel, ralmuang leh changtlung takasiamturintheihtawp chhuah ka tum tlat dawn a ni.

Remna leh muanna boruak hnuaiah chauh lo chuan hmasawnna a tluantling thei lo va.Indiarama state ralmuang ber ni chhunzawm zel thei tura dan leh thupek kengkawhtu chak takkannei hi a vanneih thlak a.  Chumi rual chuan sawrkar kut tichak tura NGO te, Kohhran hrang hrang te, Media leh mipui vantlangin dan leh thupek kengkawhtute tha taka an tawiawm thin hi a lawmawm tak meuh  a ni. Chi bing inlak hranna lehkaninpumkhatna tichhe zawnga hmalakna reng reng do tlat ila. Hnam hrang hrang kara inpumkhatna leh lungrual taka chi tinkankhawsak ho theihna tithuanawp thei apiang chukanzavaiin i do tlat zel ang u.

1.    Ka Sawrkar chuan a flagship programme, New Land Use Policy (NLUP)chu theihtawp chhuahin a kalpui chhunzawm mek a. Kumin piah lam thlenga kalpui chhunzawm zelturinSupplementary Plan buatsaih mek a ni. NLUP hian ram dinhmun a chawikang mek a, chhungkaw tam tak tan eizawnna ngelnghet a siamsak tawh a ni. NLUP hmalakna hnuaiah hmasawnna project pawimawh tak, “Joint Initiative on Eco-System based on Livelihood Promotion in Mizoram” chu kalpui mek a ni a. Hemi atan hian Mizoram Sawrkar leh United Nations chuan nikum, 16th October, 2014 khan thawhdunna tur, Memorandum of Undertanding (MoU) an ziak a. He project chhungah hian ei leh bara ram intodelhna tur te, kut hnathawktu miretheite tan eizawnna ngelnghet siamna tur te, ram chhunga a tam thei ang ber energy siam chhuahna tur te, ram leilung leh boruak chhe zel tur venna tur te, thing leh mau leh nungcha humhalhna tur leh ram chhung thar chhuah hmanga sumhnar siam belhna tur te tinzawnin ruahmanna siam a ni. Heng bakah hian ramri pawn lam atanga ran natna lo leng lut tur venna leh khuahkhirhna tur te pawh a tel bawk a ni. He project hi UNO nena Mizoram Sawrkar thawhdunna hmasa ber leh la awm chhun a niin hmalakna chhinchhiah tlak a ni a. Kum 2014-2017 inkar, kum 3 chhung thawh ho phawt tura inremna thu thlun a ni.

 UN Joint Initiative Project ah hian heng UN Agencies – United Nations Development Programme (UNDP), Food & Agriculture Organisation (FAO), United Nations Industrial Development Organisation (UNIDO), International Labour Organisation (ILO) leh International Fund for Agriculture Development (IFAD) te nen hian hma lak ho a ni dawn a ni.

2.    Lo neih leh thlai chin te hian thingtlang mi te tan eizawnna ngelnghet asiama, heng hi sumpai hmasawnna atan a pawimawh hle a ni. Chumi avang chuan lo neitu te chu, thlai tharchhuah tihpun nan tihdan hmang tha zawk leh khawl changkang zawka thuam an ni. Lo neih dan hmang tha zawk loneitu ten thlangin thingtlang lo neih an bansan mek zel a ni. Oil Palm chingtu ten man man zawkin an hralh thei ta a, loneitu thenkhat chuan Fresh Fruit Bunch (FFB) an hralhna atangin thla tin Rs 3,20,000 /-lai an la lut thei ta a ni. Bukvannei, Kolasib District ah darkar khata MT 5 hriak her thei Oil Palm Mill chu October, 2014 khan hawn a ni a, Lunglei leh Serchhip ah Oil Palm Mill dang 2 hawn tura ruahman mek a ni bawk. NLUP hnuaiah sapthei, iskut, lakhuihthei, serthlum leh hmunphiah chingtu ten an tharchhuah atangin sumhnar mumal tak an nei thei ta a. Lunglei District-a loneitu te mamawh phuhruk nan Haulawng bula Saichhoh ah Mission for Integrated Development of Horticulture (MIDH) hnuaiah Centre of Excellence din mek a ni bawk. Bawnghnute tharchhuah pung chho awmze nei zawka sawngbawl leh hralhchhuah a nih theih nan Indigenous Milk Product Manufacturing Plant, nitin litre 5000 sawngbawl thei chu MULCO Complex-ah sak mek a ni a, reilote ah hawn theih beisei a ni. Mizorama vawk tihpun nan vawkpui 200 dah theihna vawk vulhna Piggery Farm Thingsulthliah ah bun mek a ni.

3.    Inkalpawhna kawngpui siam changtlun hi ka Sawrkar ngaihpawimawh tak a ni reng a. Saitual - Phullen kawng te; Mamit - Bairabi kawng leh Keitum - Artahkawn kawng siamthat hna leh Saitual-Saichal-NE Bualpui kawnga Tuivawl Luia lei dawh hna te chu kum 2014 khan zawh fel a ni a. Kum 2013-2014 chhung khan PMGSY hnuaiah 44 km kawng sial hna leh 31.47 km blacktopping te thawh zawh niin khaw 24 chu kawngpui thlunzawm an ni a. Chhumkhum-Chawngte kawng; Champhai-Zokhawthar kawng leh Tlabung-Kawrpuichhuah kawng siam hna te; Serchhip-Thenzawl-Buarpui kawng leh Aizawl-Reiek-W.Lungdar kawng siamthat hna te leh W.Phaileng-Marpara kawng (80 kms) cheithat hna te chu tluang taka thawh chhoh mek reng a ni. Kum 2014 khan Mizoram chhungahNational Highwaythar 4 - NH 306A, NH 302, NH 6 leh NH 102(B) puan an ni. Thlawhna hmanga inthlunzawmna tihchangtlun nan Helipad 10siamtur atan Ministry of DoNER atangin sanction hmuh tawh a ni a,LengpuiAirportsiamchangtlun hna pawh thawh chhunzawm zel a ni.

4.    Mizoram hian kawlphetha siamchhuah theihna lian tak a nei a, chutianga kawlphetha siamchhuah tihpun nan leh Aggregate Technical & Commercial Loss (AT&C) tih tlem nan kawng kan dap reng a. Tui hmanga kawlphetha siamchhuah nan Power Department chuan 9MW pe chhuak thei Small & Micro Hydel Projects hna te a thawk mek a, heng hi  kum 2015-2017 chhunga commission theih beisei an ni. Power supply changtlung zawk leh AT&C losses tihtlem nan kum 2014-2015 chhung hian Mizoram hmun hrang hrang ah Sub Station 4 leh Transmission Lines 6siammek an ni. Thingtlang tihen Rural Electrification hnuaiah khaw 111 kawlphetha pek an ni a, Intensive Electrification hnuaiah khaw 378 khuh niin BPL chhungkua 15,893 te chu a thlawnin electric connection pek an ni.

5.    Mitin hnena tui in tur thianghlim leh hnianghnar pek hi ka Sawrkar ngaihpawimawh a ni a. National Rural Drinking Water Programme (NRDWP) hnuaiah kum 2014-2015 chhung hian PHE Department chuan thingtlang khua 51 tui in tur pek a ruahman a, chuta 10 chu zawh fel tawh niin a bak te chu tun Sawrkar kum chhung hian zawh hman tum a ni. Special Plan Assistance (SPA) te, Non Lapsable Central Pool of Resources (NLCPR) te, Ministry of Urban Development leh North Eastern Council (NEC) te atanga sum dawn hmangin water supply scheme 28 thawh mek a ni a, heng zinga thenkhat chu zawh fel tep a ni. Department chuan BPL chhungkaw tana inthiarna Individual Household Latrines (IHHLs) 84,647 a siam a, School Toilet 4,050 te, Anganwadi Toilet 1,455, Sanitary Complex 567 leh bawlhhlawh sawngbawlna Solid Waste Management 72 te Mizoram pumah a siam tawh a ni.

6.    Mipui hriselna leh damlo inenkawlna changtlung siam hi ka Sawrkar chuan a dah pawimawh hle a. Tun atang reilo te ah Mizoram chuan ama pualin Medical College a nei dawn a ni.Kumin August thla ah zirlai 50 ten class an tan theih nan Medical College Falkawna din fel nan Committee hrang hrang din te chuan chak takin hma an la mek a ni. T.B., malaria, mitdel leh phar natna te ven nan leh enkawl nan programme hrang hrang ngawrh takin kalpui mek a ni a. Aizawl khawpui vil turin pilot project ah two wheeler ambulance 4 kumin khan kan ti tan ta bawk. Mizoram State Health Society (MSHS) chuan Community Based Planning and Monitoring (CBPM) / Community Action for Health (CAH) Programme in Mizoram a duang a. He programme hian National Rural Health Mission (NRHM) hnuaia hriselna leh damlo enkawlna hrang hrang te kokim zawka tihhlawhtlin a nih theih nan khawtlang inhnamhnawihtira mawhphurhna pek a keng tel a ni. Kum 2014-2015 chhung hian Rashtriya Bal Swasthya Karyakram (RBSK) hnuaia Mobile Health Team 18 te chuan Sawrkar school leh Anganwadi Centre-a zirlai 69,502 te hriselna endik hna an thawk a. Rashtriya Kishor Swasthya Karyakram (RKSK) pawh Mizoram District 5 - Champhai, Mamit, Lunglei, Lawngtlai leh Saiha ah te thawh chhoh tura ruahman a ni.

7.    Ka Sawrkar chuan thingtlang mite hmasawnna leh harsa zawkte chawikan thupui ah a nei a. Mahatma Gandhi National Rural Employment Guarantee Scheme (MGNREGS) hnuaiah job card 1,94,686 pek niin chhungkua 1,52,519 te chu kum 2014-2015 chhung hian inhlawhna siamsak an ni tawh. Indira Awas Yojana (IAY), National Rural Livelihood Mission (NRLM), Border Area Development Programme (BADP), Backward Region Grant Fund (BRGF) leh Integrated Watershed Management Programme (IWMP) hnuaia scheme hrang hrang hmangin thingtlang mite leh ramri-a chengte chawikanna leh tihhmasawnna turin hma lak chhoh mek reng a ni bawk.

8.    Zirna hi hmasawnna tehna pawimawh tak a ni a, zirna tihchangtlun zel hi ka Sawrkar chuan a dah pawimawh hle a ni. Academic Session (2015-2016) thar atang chuan Government Primary School ah KG-I leh KG-II class dah a ni tawh dawn a, a bul tan nan pilot project ah Primary School 148 thlan fel tawh an ni. He Academic Session thar ah hian NCERT zirlaibu atanga duan Textbook thar, Class I-IV ah hman a ni tawh ang. A hmasa ber atan Mizoram puma English medium leh Mizo medium school ah te zirlaibu inang hman a ni tawh dawn a. Zirtirtu thawk lai training la nei lo te chawikan nan school hrang hranga zirtirtu 2,035 te chu training course zir tura thlan an ni. Mizoram chu ziak leh chhiar tamna ber state a nih theih nan beihpui thlak mek a ni a, Lawngtlai, Mamit leh Lunglei District ah te ngawrh taka inzirtirna thawh mek a ni. Rashtriya Madhyamik Shiksha Abhiyan (RMSA) leh Sarva Shiksha Abhiyan (SSA) hnuaiah programme hrang hrang hlawhtling takin kalpui mek a ni bawk.

9.    Infiamna chi hrang hrang chawikan nan ka Sawrkar chuan hma a la a, thalai leh infiam mite tan hmanraw tul leh infiamna hmunhma dinturina bawhzui reng a ni. Suaka Memorial Cricket Stadium, Sihhmui te, Regional Sports Training Centre, Saidan, Kolasib te, Table Tennis Hall, Mission Veng, Aizawl leh Synthetic Football Turf, Chhangphut Field, Champhai te chu kumin khan hawn a ni a. Thalaite mamawh phuhruk nan Champhai Zotlang leh Lunglei Serkawn ah stadium puitling an hmang mek tawh bawk. Boys’HockeyAcademy, Kolasib District ah Hockey Astro Turf phah zawh tawh a ni a, hawn thuai tum a ni. Mizoram hmun hrang hrang ah sports stadium 9 sak mek a ni bawk. Kum 2014-2015 chhung hian infiam mi ten Mizoram tan khawvel huapin Bronze Medal 3 an la a, Asian Championship ah Bronze Medal 3 bakah ram pum huap inelna ah Gold 39, Silver 34 leh Bronze Medal 45 an la bawk a ni.

10.    Khawpui tihchangtlun leh a chhunga cheng te mamawh ruahman sak chu ka Sawrkar chuan a ngaipawimawh hle a. Urban Infrastructure and Governance (UIG) hnuaiah tui pekna project lian 2 - Augmentation of Greater Lunglei Water Supply Scheme leh Serchhip Water Supply Scheme te chu Public Health Engineering Department chuan a thawk zo tawh a. Greater Aizawl Water Supply Scheme Phase-I tihchangtlun hna pawh department chuan thawk mekin kum 2014-2015 tawp hma hian zawh fel hman beisei a ni. Rethei harsa te tana chenna in sak - Economically Weaker Sections (EWS) Housing hnuaia Lunglei, Saiha, Champhai (Project 2), Kolasib (Project 2), Serchhip leh Mamit-ah te a chhungkua 1950 tana sak mek chu 95 % zawh tawh a ni. Sawrkar Laipuia Ministry of Urban Development leh Ministry of Housing & Urban Poverty Alleviation kaltlanga sum za zela sawm hmarchhak state te tana dah hran (Lumpsum Grant) hmangin khawpui cheithatna Urban Infrastructure Development leh rethei te chenna chawikan Slum Area Development Project hrang hrang thawh chhoh mek a ni. He hmalakna hnuaiah hian  Aizawl khawpui bakah khawpuia puan zawng zawng 23 te huamtir tura bawhzui mek a ni.

11.    Ka Sawrkar chuan mipui hnena eibar pek tha taka kalpui turin dik tak leh langtlang taka kalpui a tum tlat a. Mipui ten hnianghnar taka an dawn tlan theih nan Department chuan rualkhai takin eibar sem hna a thawk thin a ni. Mipui hnena eibar sem hna Targeted Public Distribution System Operations pawh Department chuan computerisation beiin tunah hian Ration Card 2,41,272 awm zingah 2,15,463 (89.30 %) chu digitised a ni tawh a ni. Lungawilohna nei leh vuivaina thlen duh te tan man chawi lova biakna phone number 1967 tihnun a ni tawh bawk. Consumer te dikna leh chanvo humhalh nan Department chuan Consumer Awareness Programme leh training te District hrang hrang ah a buatsaih thin a, State/District/Block level-a Consumer Association te din tura fuihin an bial huam chhunga eibar semna tha taka kenkawh a nih theih nana vil turin Village Level Vigilance Committee te a din turin a zirtir bawk thin a ni.

12.    Leilung hausakna leh thing leh mau humhalha ramngaw tihpun chu ka Sawrkar ngaihpawimawh a ni reng a. Ramngaw tha lai tihchereu hian tlang rama thing leh mau leh thlai te inbuk tawkna a tichhe thin a. Ramngaw humhalh pawimawhzia hriain Environment & Forests Department chuan tualchhung mite mamawh ngaihtuah chunga ramngaw tha siam tumin ngawrh takin hma a la reng bawk a ni. Vawiin thleng hian National Afforestation Programme hnuaiah thing tiak nuai 27 phun leh sem a ni tawh a. Kum 2014-2015 chhung hian Mizorama thing tihpun nan thing tiak 2,86,000 sem a ni tawh a ni.

13.    Mizoram Tax leh Non Tax Revenue tihpun nan Finance Department chuan theihtawpin hma a la mek a. Hemi tihhlawhtlin nan hian sawrkar kum chhung atan department zawng zawng te tlin tur target tuk sak an ni. Sumpai dinhmun chawikan nan kawng hrang hrangin hma lak a ni a. Kumin sawrkar kum chhunga October 2014 thleng khan Taxation Department chuan sum Rs 147.18 crores a lakhawm a, hei hi kum khat chhunga lak khawm tura ruahman Rs 235.41 crores atanga chhutin 62.49 % a tling a, kum kaltaa hemi hun chhunga lakkhawm aiin 19.8 % -in a tam a ni.MissionMode Project hnuaia Computerization of Tax Administration kalpui chu mipui nawlpui leh a hmangtu ten an chhawr tangkai hle a ni. Software hman awlsam taksiama nih avangin sumdawng zawng zawng ten internet (online) hmangin an inziak lut  tawh a, Waybill pawh a tam ber chuan online-in ansiamtawh a ni. Kum 2014-2015 (October 2014 thleng) chhung khan Lottery atangin sum Rs 526.27 lakhs dawn a ni a. Kumin 2014-2015 November 2014 thleng khan Autonomous District Council 3 te inrelbawl nan leh hmasawnna hna thawh nan State Sawrkar chuan Plan hnuaiah Rs 7091.82 lakhs leh Non-Plan hnuaiah Rs 21,669.26 lakhs a pe chhuak tawh a ni.

14.    Khawtlang inrelbawlna tihchangtlun nan ka Sawrkar chuan “The Lushai Hills District (Village Council) Act 2014”, “The Mizoram Election to Village Council Rules 2014” leh “The Mizoram Animal (Control and Taxation) Act 2014” te duangin  7th Legislative Assembly of Mizoram chuan 4th Session ah a passed a. He Bill-a thil pawimawh tak pakhat chu  Village Council Executive Body-a hmun thuma thena hmun khat chu hmeichhe tana hauh a ni. Autonomous District Council pathum huam chhunga mi tih loh Mizoram-a Village Council zawng zawngte dan lama enkawlturinOmbudsman pawh ruat a ni tawh a ni.

15.    Hlemhletna chi hrang hrang umboturinka Sawrkar chuan theihtawpin hma a la a, Mizorama sawrkarna thasiamnanakanthupui ber a ni. Sawrkar Laipuia Lokpal leh Lokayukta Act zulzuiin, tlawmngai pawl te, mithiam leh a kaihhnawih te inrawnkhawmna neih hnuah Mizoram Legislative Assembly chuan Lokayukta Bill 2014 chu a passed ta a, a lawmawm hle a ni. Mizo hnam leh khawtlang nunphung milin Legislative Assembly chuan November 2014 khan The Mizo Marriage, Divorce and Inheritance of Property Bill 2014 chu a passed bawk a, he Dan hian Mizo khawtlang ah mipa hmeichhia intluk tlanna a thlen dawn a ni.

16.    Industry tihchangtlun nan hma lak mek a ni a; mau sawngbawlna te, ei in chi sawngbawlna te leh thiamna tura training buatsaih te uar taka kalpui a ni. Central Jail, Aizawl-a tang te thawhturinAgarbati Stick siamna buatsaih a ni a. Mizoram hmun hrang hrang 11 ah mau hman tangkaina inzirtir nan Awareness Campaign neih a ni. Bamboo handicrafts cluster hmun 6 ah leh Agarbati cluster hmun 4 ahsiama ni bawk. Mizoram Handloom Export Facilitation Hub pawh sak tan thuai tum a ni. Tuialhthei zawnchhuah hna pawh thawh mek niin Mizoram puma 58.9% khuha beih mek a ni a, heng zawnchhuah hna te hi ONGC-in block 4 ah leh OilIndiaLtd.-in block 2 ah an thawk mek a ni.

17.    Bairabi leh Sairang inkara rel kawng thar siam hna tluang taka kalpui a nih theih nan Railways leh State Sawrkar inkara thawhhona tha a awm theihna turin Task Force on National Railway Project din a ni a, he rel kawng lungphum hi Prime Minister Pu Narendra Modi chuan December 2014 khan Guwahati ah a phum tawh a ni.

18.    Adventure Tourism leh Eco Tourism te hi zin mite Mizoram-a hip nan a tangkai dawn tih hriain hemi tihchangtlun nan hma lak mek a ni a. Department chuan trekking route 3 a buatsaih mek a ni.  Aerosports Project hnuaiah Paragliding, Power-hang gliding leh Hot Air Ballooning te bultan a ni a, he project hnuaiah hian Mizo thalai 9 te chuan paragliding training course an bei mek a ni. Hliappui khuaa 13th Finance Commission suma Suakphunga Heritage Centre pawh sak zawh tawh a ni. Vangchhia, Champhai District-a Kawtchhuah Ropui chu Archaeological Survey of India chuan pi pu te sulhnu humhalh tlak Centrally Protected Monument ah a puang nghe nghe a ni. 13th Finance Commission sum hmangin Mizoram chhunga hmun / in hlui 50 te chu cheithat an ni. Kum khat dana neih thin Mumbai International Film Festival thlenna nghet atan Films Division, Government of India chuan Aizawl a thlang tel bawk a ni.

19.    National Land Record Modernization Programme (NLRMP) hnuaiah Land Revenue and Settlement Department chuan Mizoram pum leilung leh ram zirchianna a kalpui mek a. He hmalakna hnuaiah hian Lunglei District chu zo fel tawhin Aizawl District chu la thawh chhoh mek a ni. He programme second phase - Serchhip leh Champhai District te huam tur pawh hawn a ni tawh a ni.

20.    Ramri-a insumdawn tawnna (Indo-Myanmar Border Trade) tihchangtlun nan Champhai District Zokhawthara Land Customs Station (LCS) pawh zawh fel niin hawn mai theih a ni a. SBI, Customs, Immigration, Plant Quarantine Station leh Security te office building sak zawh tawh niin Trade & Commerce Department pawhin thawktu an dah fel tawh bawk. Indo-Myanmar Border Trade atan Vaphaia Trade Facilitation Centre building sak hna pawh zawh fel a ni tawh bawk.

21.    Mizoram District 5-a Integrated Cooperative Development Project (ICDP) kalpui nan ngawrh takin hmalak a ni a, he project atana sum ruahman Rs 45.33 crores chu National Cooperative Development Corporation (NCDC) atanga hmuh tur niin kum 2014-2015 atan State Sawrkar chuan sum Rs 560 lakhs a ruahman a ni.         

22.    National electronic Governance Plan (NeGP) hnuaiah Department leh pawl 33 huam turin Electronics & Mobile Service Delivery Project a ruahman a. 5th e-North East Award, November, 2014-a Aizawl-a neih ah Mizoram chu “Emerging ICT State of the Year” ah thlan a ni kha a lawmawm tak zet a ni.

 23.    Rualbanlo te, tar chak lo, rethei, chanhai leh hmeithai te chawikan leh chhawmdawl nan Social Welfare Department chuan kawng hrang hrangin hma a la a. Department chuan hmeichhia leh naupang te hamthatnaturinruahmanna hrang hrang a kalpui reng bawk. Damdawi hmansual, zu in, hmeichhia leh naupang tawlhruk, tleirawl awmtha duh lo leh hnuchham enkawl hna te pawh khawtlang nena tangrualin a thawk reng bawk a ni.

A tawp berah chuan, he hunah hian, Mizoram hmasawnna tura Sawrkar hmalakna hrang hrang an thlawp tlatna leh tawiawmna avangin tlawmngai pawl zawng zawng te, kohhran te, mipui leh thu thar thehdarhtu te chungah lawmthu ka sawi a. In mi thawhpuina azarah Mizo hnam nun mawi tak rinawmna te, aia upa zahna te, chhelna leh tlawmngaihna vawng nung zelin Mizoram hi chawikang ila, midang te tana entawntlak model statekansiamthei ngeiin ka ring tlat a ni. He Ni ropui takah hian, zahawmna, muanna, hmuingilna leh hlimna nen mitinkanchenho theih nan Mizoram tana in theihtawp chhuah theuhturinka sawm che u a.Kanramah remna leh muanna, hmasawnna leh inpumkhatna vawng him zelturini thawk zel ang u.

 JAI  HIND