No.72/2021-2022
Aizawl Municipal Corporation hnuaia XVII/2 - Republic Local Council elected member Pu Lalremtluanga chu ni 9 January 2021 khan a boral avangin a seat ruak hnawhkhat turin Bye-Election neih a ngai a, Rule 3 of the Mizoram Municipalities (Election to Local Councils) Rules, 2015 leh Rule 17 (2) of the Mizoram Municipalities (Ward Committee and Local Council) (Third Amendment) Rules, 2015-in thuneihna a pek angin State Election Commission, Mizoram chuan XVII/2 - Republic Local Council seat ruak pakhat hnawhkhat tura Bye-Election chu ni 4 May, 2021 (Thawhlehni) hian a buatsaih dawn a ni.

Hetih lai hian COVID-19 hripui leng mek laka invenna atan leh a darh zel tur danna atan Mizoram Sawrkar Order No.B. 13021/101/2020-DMR/Pt-III, Dt.23.03.2021 hmanga mipui himna tura inkaihhruaina siam (SOP) chu thuleh awm hma chuan hman tur a ni. Heng inkaihhruainate hi Election Officials te, Political Party te leh mipui zawng zawng te zawm vek turin a ngenin a beisei a ni.

1. XVII/2 - Republic Local Council : Republic Veng Local Council Bye - Election atana voter awm dan chu hetiang hi a ni:- 

2. Identification of Electors : Vote thlak turte chuan an nihna ti chiang turin Election Commission of India in a siam EPIC an keng ngei tur a ni a, an nei lo a nih chuan an nihna chiang taka hriat theihna Identity Card dang an keng tur a ni.

Vote thlak a nih dawnin vote - ‘neitu dik tak a ni’ tih chian theih a nih loh chuan vote an thlak thei lo ang.

3. Dan leh thupek : Inthlanna felfai leh muanawm kan neih theih nan dan leh thupek kenkawh kawngah District Magistrate leh Superintendent of Police, Aizawl te beisei an ni a. Eng thil mahin Inthlanna hi a ti buai tur a ni lo.

4. Election Officials : Deputy Commissioner, Aizawl District chu District Municipal Election Officer atan mat a ni a, Election Officer, Aizawl District pawn Assistant District Municipal Election Officer atan mat a ni. Inthlanna buaipuitu atan hian Sawrkar hnathawk inthlan buaipui kawng a tawnhriat nei thate mat an ni a. Returning Officer, Presiding Officer leh Polling Officer atan pawh tualchhung mi ruat an ni ang.

5. Conduct of Official : State Election Commission chuan inthlanna buatsaihnaa mawhphurhtu tu pawh duhsak bik emaw hlauh bik emaw an neih a rem ti lo a, a lai thei ang bera hna thawk tura beisei an ni. An vai hian inthlan zawh hma chu State Election Commission hnuaiah deputation-a kal anga ngaih an ni a, Commission kaihhruaina leh thu neihna hnuaiah an thawk a ni.

6. Single Ballot Box : Vote thlaktuten an thlakna mi dan gin an rin hriat mai theih lohna tur te, inthlanna thianghlim leh felfai kan neih theihna turin Ballot Box pakhat hman tur a ni.

7. Ballot Paper : Ballot Paper hi General seat a nih an gin a var/ white hman tur a ni ang.

8. Voting Compartment : Vote thlaktuten awlsam leh hun khawh ral lo zawka vote an thlak theih nan voter tamna deuhah chuan Polling Booth leh Voting Compartment pakhat aia tarn ruahman a ni.

9. Indelible Ink : Vote thlak nawn leh mi aia vote thlak tumte ven nan vote thlaktute kut vei lam zungchal tin leh vuna kai telin Indelible Ink tan vek tur a ni ang.

10. Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awm khawm nan Common Election Camp pakhat chauh siam phal a ni a, he camp hi mawlmang thei ang bera siam tur a ni. Flag te, Poster te, Symbol te leh thu ziak, Political Party emaw Candidate lam kaihhnawih ziahna eng mah tar loh tur a ni. He camp-ah hian party tinte pawm tlan theih tur, tualchhung mi (NGO/MPF) te duty tur a beisei an ni.

11. Model Code of Conduct : Model Code of Conduct chu tun atang hian XVII/2 -Republic Local Council huam chhungah hman tan nghal a ni. He Model Code of Conduct hian Political Party zawng zawng te, Contesting Candidate zawng zawng te, Minister te, MLA te, Municipal Councillor te leh Local Council inthlannaa inhnamhnawih Public Servant te a huam ang.

12. Schedule of Bye-Election : Hetiang hian Bye-Election to XVII/2 - Republic Local Council. 2021 neih dan tura ruahmanna - Schedule of Bye-Election chu a siam a ni: