Tukin zing dar 7:00 khan Health Clinic Centre Republic Vengthlang ami chu Dr. R.Lalnghinga Chief Medical Officer Aizawl ‘W’ chuan a hawng.

Hawnna inkhawm hi Pu C.Hranglura Local Council Chairman, Co-ordination Committee Chairman ni bawk chuan a kaihruai a. Committee Finance Secretary Pu K. Kapzova’n hunserh hmangin Committee Secretary Pu Zonunmawia’n Health Clinic neih theihna tura hmalak a nih dan report a pe a. Committee Vice Chairman Pu J. Chamliana’n lawmthu sawina neiin inkhawm hi tih tawp a ni.

Clinic hawngtu Dr. R.Lalnghinga, CMO chuan Health Clinic Thar hawn theiha a awm leh ta chu hmasawnna pawimawh tak a nih thu leh khawtlang hruaitute hmalakna fakawm a tih thu a sawi a. He Clinic hi veng mipuiten tangkai taka an chhawr a duh thu leh veng mipui te leh Clinic a thawkte inunauna leh inpawhna tha tak an neih a duh thu a sawi a. Sorkar lam atang pawhin he Clinic thar hi a theih ang anga tihchangtlun zel a nih tur thu a sawi bawk.

Health Clinic petu Health Minister Pu Lalrinliana Sailo chungah Khawtlang hruaitute leh Republic Vengthlang mipui ten lawmthu an sawi a ni.

Attachment

  • Loading attachment...