No.1192/2021-2022

Aizawl 30th June 2021: Aizawl DC chuan Republic Vengthlang hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e. 

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan   Containment Zone/Area-a  puan  a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Republic Vengthlang hmun thenkhat chu Containment Zone/Area-a puan rawtna a rawn thlen a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin hnuaia Republic Vengthlang hmun tarlan te hi ni 30.06.2021 (Nilaini) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a  pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.16011/298/2020-DC(A)/Lockdown dt.30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

REPUBLIC VENGTHLANG ( Containment Zone/Area):

a) YMA Hall hnuai tuikhur bul atangin  Pu  Faka  kawmchhak  kawng  chho. Tv. K Lalchhandama in bul atangin Anganwadi step chhuk thla.

b) Wadi In bul atangin Baptist Biakin bul kual thla, Pu R. Thangluaia Colony thleng.

c) Pi Sangpuii in bul atangin a kawmthlang kawng phei, Pi Ramzauvi te in telin. Step kan   in  Rev.Lalhmingthanga  in   lamah  phei  lehin   T.  Lalsangliana  (L)   leh Pu C. Rothuama te in huamin.

d) Pu Biakzuala in atangin kawng thlang leh chhak zawng telin Anganwadi thleng. Luikawr lamah Pu C. Rothuama in thleng.

BUFFER ZONE:

Pu Lalengliana in atanga Pu K.Saichhinga in inkar chhungkaw 5 bawr vel awmna .

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.