No.1193/2021-2022

Aizawl 30th June 2021: Aizawl DC chuan Thuampui hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Thuampui hmun thenkhat chu Containment Zone/Area-a puan rawtna a rawn thlen a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin hnuaia Thuampui hmun tarlan te hi ni 30.06.2021 (Nilaini) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.16011/298/2020-DC(A)/Lockdown dt.30.06.2021 in phalna a pekte bak mi  tumah an lutin an  chhuak tur a   ni lova,  veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

THUAMPUI  (  Containment  Zone/Area):

1) Senhri Section (Helipad hnuai Lunglei Road) – Pu S. Rosiama Building atanga Pu Joseph Khawsiama In thleng.

2) Chhhawkhlei Section –

a) Bank of India (BOI) Building atanga Pi H. Lalengmawii Colony.

b) Pu Zara Building atanga dinglam step zawh thla zelin Pu TC. Lalthangmawia In thleng.

c) Pu Rothlengliana In atanga chhuk thlain Pu C.Zolawma In, Pu Lalsawmliana Sailo In, Pu Sailianpuia Sailo In leh Pi Lalrinmawii In.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.