Department of Economics, Mizoram University leh OKD Institute of Social Change & Development, Guwahati tangkawp buatsaih Research ziah dan zirhona chu vawiin hian I & PR Conference Hall-ah tan a ni. He Workshop kar khat chhung awh tur Prof. Lalthantluanga Vice-Chancellor Mizoram University chuan a hawng a ni.
Prof. Lalthantluanga chuan Research hi hna hautak, uluk tak leh taima tak leh kawng hmang dik tak a tih ngai a ni a ; hetiang lama inkaihhruaina leh zirhona buatsaih a ni hi Research Scholar leh Project hrang hrang tih duh tan a pawimawh a, a tangkai em em dawn a ni a ti. Hawnna inkhawmah hian Prof. Indranee Dutta, Director, OKD Institute of Social Change and Development, Guwahati pawh thusawiin Social Science research hi khawvel thang zelah sawrkar leh mipui tan a pawimawh tial tial a; research rintlak, sorkar leh pawl hrang hrang innghahna tlak, nei tur chuan tihdan hmang dik a ngaia inzirtir zel a ngai a ti bawk.
Workshop-ah hian Mizoram chhunga M.Phil leh Ph.D zirlai 27 an tel. India ram hmun hrang hranga mi thiam bik lokal ten subject chi hrang hrangah Research kalhmang an zirtir dawn a ni.
