789/2026-2027

Kolasib, 1st June, 2026: India rama Dan pui kengkawhtu sang ber, Supreme Court thuchhuak angin Reserved Forest Area chhunga ram te endikna kalpui mek a ni a. He thupek hian district zawng zawng huamin, an huamchhunga land pass pek chhuah tawh, Reserved Forest Area hnuaia rin luhte chu Category - A, B, C leh D ah te thliar hrang  tura tih a ni.

He thupek bawhzui hian Kolasib Deputy Commissioner (DC) Office chuan ni 13 May, 2026 khan Reserved Forest hnuaia rin luh khuate chu an Village Council (VC) te hnenah lehkha thawnin, an khaw chhunga Revenue Pass (Land Pass) zawng zawngte Xerox Copy la khawm a, DC Office-a thehlut (submit) turin a lo hriattir tawh a ni.

Hemi chungchangah hian mipuite chu thlaphang emaw chiai lo tura kan hriattir kan ni a. Reserved Forest Area huam chhunga ram pass neite chuan mahni khaw VC-te hnenah theuh June ni 10, 2026 hma ngeiin kan land pass xerox copy te  thehluh vek tur a ni.