788/2026-2027

Dated: Mamit the 1st of June,2026: Vawiin khan DC Conference Hall, Mamit-ah Lok Sabha MP Pu Richard Vanlalhmangaiha hoin District Development Co-ordination & Monitoring Committee(DISHA) chu thukhawmin, Pu Suvigya S Chandra, District Bawrhsap chuan hun a kaihruai.

Lok Sabha MP chuan Mamit district a DISHA meeting kumina a vawikhatna atana neih a ni thei chu lawmawm a tih thu sawiin line department te hnathawh thlirletna pawimawh tak a ni a, district hmasawn zel turin theihtawp chhuaha mahni mawhphurna hlen theuh turin a chah a ni.

\Vawiin meeting-ah hian Pu Suvigya S Chandra, District Bawrhsap chuan DISHA hnuaia schemes hrang hrang department in an kalpui chu power point presentation hmangin sawi zauna hun a nei a, department hnathawh leh hmalaknate thlir ho a ni. Pu Richard Vanlalhmangaiha chuan department harsatna te ngaihthlak sakin theih anga hmalak pui a tum thu a sawi.

DISHA hi Sawrkar Laipuiin district tina a din a ni a, a tum ber chu Sawrkar Laipuiina schemes hrang hrang a duan-Centrally Sponsored Schemes-te kalpui dan endik leh hmasawn zelna tura thawhohna tha a awm theih nana hmalak dan ngaihtuah hi a ni.