787/2026-2027 

Saitual, the 1st June, 2026: Kum tin May ni 31-a hman ṭhin vaihlo leh a kaihhnawih ṭhat lohzia inzirtirna ni, 'World No Tobacco Day' (WNTD) chu vawiin khan CMO Conference Hall, Saitualah hman a ni a, Dr. Zothanpari Chhakchhuak, Dy. CMO chu resource person niin, vaihlo that lohzia zirtirna a pe.  

He hunah hian Dr. Zothanpari Chhakchhuak, Dy. CMO chuan vaihhlo chi hrang hrang te chu powerpoint presentation hmangin a sawifiah a, ngawlveina intan theih dan te, vaihloin kan taksaa nghawng a neih dan te leh Gutkha that lohna te a tarlang a ni. Dy. CMO chuan vaihhloah hian a zuk chi bikah chemical 7000 chuang awmin, heng zinga 80 te chuan cancer an thlen thei a ni, a ti a, Gutkha lama a hmuam leh ei chiah hian chemical 3000 chuang awmin, 28 vel hian cancer an thlen thei bawk tih a sawi. Zuk leh hmuam ti nasa hmeichhiaah nau chhiat theihna chance a sang a, mipaah chi thlah theih lohna “infertility” a thlen thei bawk a ni, a ti. Dr. Zothanpari Chhakchhuak chuan zuk leh hmuam chu ngawl vei awl “addictive” tak a nih avangin ti ve lo turin zirlai kalkhawm te chu a fuih a, Mizoram chu India ramah a cheng mipuite tam zawng teh a cancer tam berna kan nih tawh avangin zirlaite chu zuk leh hmuam laka fihlim tur leh a that lohzia te midang zirtir turin a chah a ni. 

Kumin World No Tobacco Day thupui atan "Unmasking the appeal – countering nicotine and tobacco addiction" tih chu hman a ni a, vawiin Saituala hun hmanna hi Pu Lalngaihzuala, Health Worker in a kai hruai a, Govt, Middle School-2 zirlai naupangte telin, Dr. Zothanpari chhakchhuak, Dy. CMO chuan vaihlo that lohzia zirtirna a pe a, Dr. Rosiamliani Bawitlung, DPM chuan lawmthu sawiin hun a khar a ni.