Vawiin chawhnu khan Electric Venga ETON High School in an pawl 10 Result a that avanga zirlaite hlawhtling tate lawmpuina a buatsaih chu Health Department,Information & Communication Technology etc., changtu Minister Pu Lal Thanzara'n a hmanpui a.

Minister chuan Mizoram pumpuia Matric 2014 result chhuak ta a hlawhtlinna hmutu te zawng zawng a lawmpui thu sawi a. Mizoram a Result percentage sang leh 100% pass percentage kan dah pawimawh lutuk erawh chu in enchian a hun a ni a ti. Quantity ringawt hian quality a siam kher si lova, chhawr tlak thiamna nei company leh sawrkar te tan pawha chhawr chakawm ram in a mamawh a ni a ti. Literacy rate ah a sangber ber kan nihna rei tawh viau chungin kan thiamna erawh belhchian a dawl ta lo deuh emaw chu aw a tih theih tan tlat mai a. Tan kan lak nasat a ngai hle a ni a ti a. Zirlai tin ten zawhna inzawt theuh tura a chah chu "enge a tui zawng leh enge a ngaihsang zawng tih te a ni a. Sum ringawt ngaihsan a, hlawkthutna kawng awlsam a awm emaw ti zawn chiam mai hian kan ram leh khawtlang nun a tih hriselloh vangin tuna zirlai rilru thianghlim te chuan heng thil hrisello an ngaihtuah chhin pawh a thianglo a ni a ti.Hriselna ngaih pawimawh, zirna bakataksa insawizawina lam uar tur te leh chanchinbute bakah, khawvel,ramchhung leh tualchhung chanchinthar television a chhuak thin te ngaihven nachang hre turin turin zirlaite chu a fuih hlawm a ni.

Vawiin ETon School Matric Result lawmna programme ah hian anzirlai hlawhtling te hnenah lawmpuina pek an ni a.sawm bikte hnen atangin fuihna thuchah te ngaihthlak a ni bawk.