27/2024-2025
Aizawl the 3rd April, 2024: Dr H.Lalthlangliana, Secretary, Land Revenue & Settlement Department chuan March 28, 2024 khan, a hnuaia inziak ang hian District Settlement Officer te chu LR&RlS Department dawrtute zingah vuivaina nei an awm chuan, chung mite lehkha thehluhna tur Bawm siam a, an office-ah theuh hung turin a hriattir.
OFFICE MEMORANDUM
Complaint box dah chungchang
1. Land Revenue & Settlement Department hi mipuite nen hnai taka indawr thin kan ni a; Secretariat leh Directorate bakah District office hranga min dawrtute'n min duhkhawplohna leh thawktute laka an lungawilohna hriat tur a awm zauh zauh thin a, a pawi hle ani.
2. Min dawrtu mipuite'n tuma mitmei veng lova an Lungawilohna leh Rawtna an thlen theih nan Land Revenue & Settlement Department Secretariat, Directorate of Land Revenue & Settlement leh District hrang hrang a Settlement Officer office ah te 5th April, 2024 ral hma ngeiin complaint box dah vek tur ani a, compliance report hi April ni 9, 2024 ral hma in Dy. Secy, LR&S email mizoram.revenue@gmail.com ah thehluh tur ani.
3. Complaint box hi uluk taka kalh tur a ni a, a kalhna chahbi pawh Head of Department/Head of Office emaw an hnuaia mi officer rintlak ngeiin an kawl tur a ni. Mipuite'n lungawilohna emaw ziaka an thlen chu thlatin Head of Office hovin hawn thin tur a ni a, ziaka thu thlen te uluk taka ngaihtuahin a chinfel dan kawng zawn nghal tur a ni. Thlatin Ni 10 aia tlai lovah a hma thlaa Complaint lut te enzui anih dan a chunga Nodal Officer tarlan ah khian theh luh tur ani a. Nodal Officer in Ni 15 aia tlai lovah Secretary hnenah thehlutin a tul anga sorkar hotute nen sawi hovin action lak zui thin ani ang.
4. Complaint box a mipuite'n ziak hi anmahniin tul an ti anih loh chuan an thehluttu hming ziah kher a ngai lova thuzawh fiah zui ngaite awm theih anih avangin contact no. erawh dah thei se a tha a. Complaint Box-a thu thlen reng reng hi confidential a dah tur a ni ang.
5. Complaint box a thu thlen remchang lo tan pawh Mizoram Sawrkar in mipuite'n lungawilohna online a an thlen theihna tur portal https://mipuiaw.mizoram.gov.in ah engtik lai pawhin thlen theih reng a ni a, hei hi Land Revenue & Settlement Department a nodal officer in a vil reng bawk a ni.
