No.6586/2020-2021

Aizawl, the 18th November 2020 : Vawiin khan Land Revenue & Settlement Minister Pu Lalruatkima, pisa ah amah hovin Land Revenue & Settlement hotute leh Aizawl City Local Council Association hruaituten COVID-19 hripui inkhuahkhirhna avanga Land Revenue chhiah leh Zoram chhiah khawn kalpui dan tur leh harsatna awm thei chungchang sawihona neih a ni.

He Meeting ah hian Minister chuan chhiah khawn chunghchangah Aizawl City Local Council Association hruaitute puihna a ngen a, hripui in kai darh hlauhthawnna avanga fimkhur taka Land Revenue leh Zoram chhiah kawn chhunzawm dan tur an sawiho a ni.

Thingtlang khaw thenkhatte leh Aizawl veng thenkhat ah te hripui avanga Land Revenue & Settlement Department Chhiah khawntute luh theih lohna avangin kum 2019- 2020 chhunga Leiman chhiah leh Mizorama awm man Zoram Chhiah khawn a khaih lak fova. Chhiah khawnah Arrear Tax leh fine te laka hriatthiamna nei chunga a khawn hun chhungte pawhsei ani chungin, chhiah a lut tha lova. State sawrkarin Revenue Department chhiah hmuh tur a bituk target hmuh kim ala ni lova, nasa taka hma lak zel a nih thu he meeting ah hian tarlan a ni bawk a ni.

He meeting hian Mizoram pum huap a Land Revenue chhiah leh Zoram chhiah khawn hun pawhsei leh ni se tiin a rel a. COVID-19 hripui laka SoP tha taka zawm a fimkhur tak chunga chhiah khawn chhunzawm leh nise tih rel a ni a. December ni 7 2020 atanga khawn chhunzawm leh anih theih nan Aizawl AMC area a Local Council te leh V.C hrang hrangte puihna nena chhiah khawn chhunzawm ni se, mipuite pawh chhiah tha taka lo pe tura ngen nise tih rel a ni bawk.