Vawiin hian Agriculture Conference Hall Serchhipah kum 2017-2018 chhunga Agriculture Department Serchhipin sawrkar laipui atanga scheme an hmuh hrang hrangte leh NEDP atanga an hnathawhte thlir letna hun an hmang.

He hun hmanpuitu Pu J. Lalzamliana, Director of Agriculture (CH) chuan Sawrkar Scheme hrang hrangte hi loneitute tan hlawkna tur atana ruahman vek ani, a ti a, loneitute intodelhna chungchang hi hun rei tak kan sawi tawh chungin tun thlengin lei rem an la rap tak tak thei lo hi a pawi em em a, lei rem an rah ngei theihnan ruahmanna te duan mek zel ani, a ti. Hmasawnna ruhrel lianpui duan ai chuan kan neihsa tihchangtlun hi kan mamawh ber ani rih ani, a ti bawk. 

Agriculture Department Serchhip in sawrkar laipui scheme chi hrang 15 an kalpui mekte bakah NEDP hmalakna an kalpui mekte chu vawiin hian an sawi hova. Sum an hmuh tur angte an hmu that thu leh a pekchhuahna tur lamah pawh ruahmanna anga an pek chhuah thin thute sawi lan a ni a, inhrilhfiah ngai awmte inhrilhfiahin, sawi hona hun an hmawng zui a ni.

He hun hi Pu James Lalsiamliana, DAO Serchhip chuan a kaihruai a, Pu Lalmuanpuia, Dy. Director (Planning) chuan Director hi a rawn tawiawm a ni.