Review Meeting of National Programme for Prevention and Control Of Deafness (NPPCD) chu a vawi khatna atan vawiin khan DHS Conference Hall, Dintharah neih a ni a. He Programme ah hian Khuallian Dr. K. Ropari, Principal Director, H&FW Deptt. niin Dr. Lalbiak Kima, Director of Hospital & Medical Education chu Khual zahawm a ni a, Dr. K. Lalbiakzuala, Mission Director , National Health Mission chuan inkhawm hi a kaihruai.

Mizoramah pawh nikum August, 2014 atang khan bul tanin, tunah hian Mizoram District pathum (3) Aizawl East, Aizawl West leh Lunglei District ah te hman tan a ni. He meeting hi SCERT leh NIOH Deptt. ten an tel pui bawk a ni.

He Meeting-ah hian SCERT atangin Pi Vanlaldiki Sailo, Special Education Officer leh Mrs Sarju Moirangthem, Programme Officer & Occupational Therapist, NIOH ten an telpui bawk. Dr. Lalhmachhuana Hmar, ENT Surgeon, Civil Hospital Aizawl in Pianpui Ri hriatna chaklo chungchangah Presentation a nei a. Zoramsiami, Audiologist, Civil Hospital Aizawl in Bengngawnna chungchanga mipui te hriat tur chungchangah presentation a nei bawk a, hei bakah hian Sign Language leh Hearing Instruction chungchangah Zothlamuani Khiangte in Presentation a rawn nei bawk. District harsatna leh hmalak zel dan tur sawi ho a ni.

He Programme hnuaiah hian Health Team pathum an awm mek a. Team pakhatah hian Medical Officer, Audiologist, Audiometric Assistant leh Hearing Instructor for Hearing Impaired Children te an awm a. Tunah hian heng team te hi ENT Department, Civil Hospital, Aizawl-ah te, State Referral Hospital, Falkawnah te leh Civil Hospital, Lunglei ah te an awm a ni.