Vawiin khan ni 2 (Dt. 23-24/4/09) awh tur Health Programmes Review Meeting DHS Conference Hall ah tan a ni. 23.4.09 hian RCH II, Immunization leh NRHM Additionalities te Review a ni a. Naktukah National Programme for Control of Blindness neih leh a ni ang.

He meeting ah hian Chief Medical Officer, Senior Medical Officer leh Programme hrang hrang khawihtute an tel a. Chawhma lamah Dr. C. Lalthanmawia, Jt. Director (P) in kaihruaiin chawhnu lamah Dr. P. Sangzuala, Mission Director NRHM in a kaihruai thung ang.

Kum 2005 atanga March 2009 chhunga hnathawhte thlir ho a niin, hmasawnna leh tanlakna lai turte sawiho a ni bawk. Hemi chhunga NRHM/RCH-II hmalakna hrang hrang, Building sak, Staff indaihloh avanga Doctor atanga Health Worker contract a dah, Quality Service pek a nih theih nana Staff te training chi hrang hrang pek, thingtlang khaw tina Accredited Social Health Activist (ASHA) dah te, Private Hospital leh Village Health & Sanitation Committee te nena thawhhonain rah tha a chhuah mek niin a lang.

Kum tin naupai Sub-Centre-a in register an pung zel a, chung zinga 73% chu naupai chungin vawi 3 leh a aia tam an in check up a. Damdawiina nau nei pawh 2005 ah 67% chauh kha 75% an ni tawh a, nauneih hnua in check up pawh 22% atangin 35% ah a chho tawh bawk. Naute vaccine pekah erawh hmasawnna a tam loh avangin nu zawng zawng ten an fate hrivenna pe vek turin Health Department chuan a duh tak meuh a ni.

Heti chung chung hian thawktute leh mipuite tanrualna avangin nu thihna (MMR)- 163 (State 2004-05) leh naute thihna (IMR) -34 (NFHS 2005-06) atanga survey lakah chuan tlahniam ngei tura beisei a ni.