Vawiin February 22, 2020 (Inrinni) tlai khan State Guest House-ah ‘Sustainable Development Goals (SDGs) leh ‘7^th Economic Census’ Review Meeting neih a ni a, meeting hi Pu Dr. C. Vanlalramsanga, IES, Secretary, Planning & Programme Implementation Department chuan kaihruaiin Pu Asit Sadhu, ISS, Director General (Social Statistics Division), Ministry of Statistics & Programme Implementation, Government of India chuan a rawn hmanpui bawk  a ni.

Pi C.Lalnunsiami, MPESS, Research Officer, Planning & Programme Implementation Department (Research & Development Branch) chuan Sustainable Development Goals chungchangah presentation a pe a. Pu Lalduhkima, State Project Manager, Common Service Centre chuan 7^th Economic Census chungchangah presentation a pe bawk.

Presentations hi ngunthluk taka sawiho a ni a. Pu Asit Sadhu chuan SDGs leh 7^th Economic Census kal mekah Mizoram State chu hna thawk tha berte zinga mi a nih thu sawiin, hma sawn a tulnaah erawh theihtawp chhuah lehzual a tul thu a sawi. Planning & Programme Implementation Department (Research & Development Branch), Economics & Statistics leh Common Service Centre-te control theih piah lam harsatna thilah erawh theihtawp chhuahpui a tiam a ni.

Review Meeting ah hian Pu B. Lalrintluanga, MPESS, Director of Economics & Statistics, Pu Dr. Lalrinchhana, MPESS, Adviser-cum-Joint Secretary, Planning & Programme Implementation Department (Research & Development Branch), Pu B. Lalrinhlua, MPESS, Deputy Director of Economics & Statistics-cum-Nodal Officer on 7^th Economic Census, Regional Office (FOD, NSSO, Agartala) Officials, Common Service Centre_Mizoram State Officials, Senior Officers of Economics & Statistics leh SDGs Core Department Senior Officer-te an tel a ni.