Vawiin February ni 7, 2013 hian PHED chuan kum 2012-2013 chhunga an hnathawhte thlirletna hun an hmang a, Er. R. Lalfanliana, Engineer-in- Chief in a kaihruai a, Department hmalakna te tarlangin khaw 777 zingah khaw 711 te chu tui mumal taka pek an nih thu leh a bak zawng khaw 66 ah te chuan hna thawh chhoh mek zel anih thu a tarlang. Kalkhawmte chu department mawhphurhna hrechianga, tui tam zawk pe thei tura ngaihtuahna seng nasa lehzual turin a fuih bawk.

PHED Minister, Pu S. Hiato chu khuallian niin kum tharah ngaihtuahna thar nen thahnemngai taka thawk turin Department thawktute a chah a. Tui leh hriselna mipui tan a pawimawhzia sawiin, renhriatna tha zawk nena thawh a tulzia a tarlang bawk. PHED Department in tui hnianghnar taka pek loh chuan pe tur dang an awm chuan lo tiin mipuite rintlak ni turin a fuih bawk a ni.

Pu H. Zothangliana, Parliamentary Secretary, Khualzahawm ni bawk chuan Zoram mipuite innghahna tlak Department in hna a thawh a tulzia sawiin, mipuite thlir phak loh, hmathlir tha nei a thahnemngai taka thawk turin a fuih a. Data rintlak tak nei tura thawk turin kal khawmte a fuih bawk.

He hunah PHED Department a SDO chin chunglam zawng an tel a, hmalakna chi hrnag hrang : School a tui leh ek in pek chungchangte, tui hausakna hai chhuah chungchangte leh mipui tana hlawk zawka Department hmalak dan turte an sawiho dawn a ni.

Er. Lalmuanzova, Chief Engineer, PHED chuan lawmthu sawina neiin hawnna inkhawm hi tih tawp a ni. He inkhawm hian ni 2 chhung a awh ang.