Mizoram Sorkar hnuaia Department zinga kum 2013-2014 chhunga Results Framework Document (RFD) titha zualte hnenah vawiin khan Chief Secretary Pi L. Tochhong hovin CS Conference Hall, Secretariat Complex-ah lawmpuina “Certificate of Appreciation” semna hun hman a ni. He hunah hian Department hrang hranga Secretary-te, Head of Department-te leh RFD Coordinator-te an tel a ni.
Chief Secretary Pi L. Tochhong chuan RFD avangin Department hna kalphung chu result-oriented zawka kalpui anih thu leh, hei hi hmasawnna tha tak a nih thu a sawi a. Department tin ten kum khat chhunga an thlen chin an hriat phah a, tan lakna tur lai leh hmalak dan tur pawh an hriat chian theih thu leh, kum 2014-2015 RFD-ah chuan tun aia result tha zawk Department tin ten an neih theih a beisei thu a sawi a. Hnathawh dan chipchiar taka thlirlet a enfiah chu chhunzawm zel turin Chief Secretary chuan Department hotute chu a chah bawk a ni.
Results Framework Document (RFD) hi Council of Ministers, Mizoram Sorkar in August ni 21, 2012-a an lo rel leh an pawm tawh ang in kum 2013-14 chhung hian Department 40 ten hnathawh tihpuitlinna (performance) en na atan an hmang a. Kum 2013-2014 chhung RFD hi Department tin in Sorkar kum tir (2013)-ah khan Performance Management Division, Cabinet Secretariat hnuaia Central Adhoc Task Force (ATF)-in kaihhruaina a siam angin an buatsaih a. Kum 2013-2014 chhunga heng RFD Implementing Department 40-te hnathawh dan RFD Coordinator theuh ten an theh luh chu High Power Committee on Government Performance chuan an Chairperson Chief Secretary kaihhruaina hnuaih September ni 11, 2014 khan an endik a ni.
Vawiin hian RFD-a 70% hmu chin Department 12-te hnenah lawmpuina hi sem a ni a. Chung Department te chu an score that dan indawtin a hnuaiah hian tarlan a ni:
1. Cooperation Department.
2. Information & Public Relations Department.
3. School Education Department.
4. Environment & Forests Department.
5. Finance Department.
6. Fisheries Department.
7. Agriculture Department.
8. Excise & Narcotics Department.
9. Information & Communication Technology Department.
10. Sports & Youth Services Department.
11. Art & Culture Department.
12. Rural Development Department.
