Naktuk zing dar 8 hian Aizawl leh District Hqrs tinah Commemoration Day Parade neih a ni ang.
Aizawl ah chuan he Commemoration Day Parade hi 1st Bn.MAP Field, Armed Veng ah DGP Mizoram hova hman a ni ang a. DIG (Northern Range) in ni 1.9.2013 atanga 31.8.2014 chhunga India rama police mi 662 duty laia nunna chante hming chhiarchhuakin urhsun taka Police Parade, Police thi te sunna neih a ni ang. Hemi hnu hian Mizoram Police duty laia hmelma kut tuara thite hriatrengna 1st Bn. MAP Hqrs.-a "Martar Thlan"-ah DGP leh Police Officer dang ten pangpar an dah nghal bawk ang.
Kum 1959, October 21 khan China sipai ten Ladakh-a Police Post an la a, khami tum khan police mi leh sa mi 9 lai kah hlum an ni. He an martar ni hi ram tana nun petu Police-te hriatreng nan "Commemoration Day"-ah sorkar laipui chuan ram pumpuiah kumtina hman turin a rel a. Zing dar 8-ah hian India ram State Capital-ah leh District Hqrs.-ahte commemoration Day Parade neih a ni thin a, India ram pum a Police duty laia thi te hming chhiarchhuak in anmahni hriatrengna leh sunna urhsun taka hman a ni thin.
India ram state hrang hrang-ah ni 1.9.2013 atanga 31.8.2014 chhunga police mi leh sa thite an vaiin mi 662 an ni a. Vanneihthlak takin hemi kum chhung hian Mizoram Police bik ah thi an awmlo a ni.
