Vawiin chawhnu dar 1:00 khan Mizoram Youth Commission buatsaihin chawlhkar thum awh tur thiamthil chi hrang hrang zirna neih tan a ni a; Pu T.Sangkunga MLA, Mizoram Youth Commission chairman chuan he training hi a hawng.
Pu T.Sangkunga chuan Mizoram thalai te hi chhawrtlak a chherhchhuah tumin thei tawp kan chhuah mek a. Hetianga training kan buatsaih ang hi District dangah pawh ruahman chhoh mek a ni a; Mizoram thalaite hian ram leh hnam humhalhnan mahni thiam tawk thawk theih tura kan in sanmar a ngai a ni a ti.
He traininga hian Kolasib District chhunga thalai mi 140 an tel a, an nitin hlawh pek an ni dawn a ni. Training chhunga an inzirna tur leh tul dangte chu Sub-Hqrs. YMA, Kolasib ten an buaipui dawn a ni.
