1418/2026-2027

Kolasib, 16th July, 2026: Local Administration Department (LAD) leh District Panchayat Resource Centre (DPRC) tangkawp buatsaihin, Rashtriya Gram Swaraj Abhiyan (RGSA) hnuaia 'Exposure Visit Within State Programme' Kawnpui Village Council-III a neih chu vawiin khan tluang taka hman zawh a ni. He hunah hian Mizoram hmun hrang hrang atanga lo kal Village Council (VC) 40 atangin aiawhte an tel a ni.

A ni hnihna leh a kharna hunah hian Pu Lalchawimawia, Joint Director, LAD chu Khuallian niin a hmanpui a. Khuallian chuan 16th Finance Commission chungchang leh RGSA hnuaia hnathawh hrang hrangte sawiin, khawtlang hmasawnna tura theih tawp chhuah zel turin VC kalkhawmte chu a fuih a ni. Khualzahawm, Kolasib District Local Administration Officer (DLAO) Pu Lalmuan Puia, MCS pawhin hun hmanpuiin, VC te theihna tihhmasawn  leh khawtlang rorelna tha zawk an neih theih dan tur hrang hrangte a sawi bawk.

Vawiin hun hmannaah hian VC aiawh lo kalte hian Kawnpui VC-III ten Local Sustainable Development Goals (LSDG) Theme-3: 'Child Friendly Village' (Naupangte tana khawtlang him leh tha) chungchanga an hmalakna hrang hrangte an tlawh kual a. Heng an hmalakna zinga langsar - Anganwadi Centre, Playground (infiamna mual), Sikul leh loneitute tana an sak 'Farmers House' te chu a hmunah kalin an zirho a ni.

He Exposure Visit-a tel VC hrang hrang atanga palai lo kalte chuan Kawnpui VC-III te khawtlang inrelbawl dan leh hmalakna chu tha an tih thu leh hlawkthlak an tih thu an sawi a. Anmahni khua theuha an hman tangkai tur leh an mamawh tur entawn tur tha tam tak an zirchhuah thu an sawi bawk.