Vawiin khan Mizoram Chief Secretary Pu Arvind Ray hovin Chief Secretary’s Conference Hall-ah Mizoram Right to Public Services Act, 2015 chungchang meeting pawimawh tak neih a ni a. He Act kalpui mek a nih dan leh hmalak zel dan tur sawihona meeting-ah hian Director, ATI; Chief Informatics Officer, ICT; Director, I≺ Project Manager, MSeGS, ICT leh Nodal Officer, DP&AR (Good Governance Cell) te an tel a ni.

The Mizoram Right to Public Services Act, 2015-in a tum ber chu Mizoram mipuite hnenah public service chi hrang hrang hun bituk chhung ngeia phuhruk sak a, mipuite mamawh thil hrang hrang a rang leh awlsam thei ang bera sorkarin a lo ruahman sak tura hmalak tir tumna a ni. He Act leh a kaihhnawih thil chi hrang hrangte chu Mizo tawng ngeiin buatsaih mek niin a theih anga zauvin mipuite hrilhhriat a nih theih nan hmalak a ni mek bawk a. The Mizoram Right to Public Services Act, 2015 hnuaiah hian mipui mamawh thil (public service) hrang hrangte chu online portal pakhat kaltlanga tihfel theih vek a ni tawh ang a, hei hian SMS Gateway pawh keng tel dawn a, Mizoram State e-Governance Society, ICT Department-in online portal designing leh development hna hi an thawk dawn a ni.

Kumin 2018 chhung hian Aizawl leh District zawng zawngah media kaltlangin The Mizoram Right to Public Services Act, 2015 chungchang awareness nei vek tum a ni a, Trainers’ training pawh neih vat tum a ni bawk.