735/2022-2023
Aizawl, the 1st June 2022: Damdawi rinhlelhawm chungchangah a hnuaia tarlan ang hian mipui te lo hriat turin Pu Lalsawma, Controlling & Licensing Authority Directorate of Health Services, Mizoram chuan thuchhiah a siam.

Tunlai hian thisena thun chi damdawi chikhat - Compound Sodium Lactate Injection (RL), SWAROOP PHARMACEUTICALS PVT.LTD. Aligarh siam chu a hmangtu damloten harsatna an tawh phah a ni tih hriat a ni a. He damdawi hi a quality enfiah turin Drugs Testing Laboratory-ah thawn a ni tawh a. A nihna dik tak hriat a nih hma chuan he RL hi hmang zawm tawh lo turin mi zawng zawng ngen leh hriattir an ni e.

Mizorama he damdawi Ringer Lactate, Mfd : Swaroop (Batch number tihbik awm lo, a awm apiang) chah luttu Wholesaler-te pawh an hralhchhuah tawhna zawng zawng atanga a rang thei ang bera kokir tura hriattir an ni.

District hrang hranga hospital canteen leh private hospital-te pawh, he RL hi hmang lo tura ngen an ni a. Damdawi zuar zingah kawl an awm a nih pawhin hralhchhuak tawh lo tura hriattir an ni.