Vawiin khan Agriculture Conference Hall-ah RKVY hmangtu Line Department te chuan RKVY hnuaia kum 2014-2015 chhunga hmalakna kal mek leh nakkum 2015-2016 chhunga hmalak dan turte an sawi ho.
He meeting Pu Lalhmingthanga, Agriculture Secretary hova neihah hian Agriculture (Crop Husbandry), Agriculture (R & E), Horticulture, Fisheries, Sericulture, AH & Vety, Soiul & Water Consevation Department te, LADC leh MADC-a RKVY khawihtu Director-te leh Officer ten tun kum kal lai mek 2014-2015 a sum hman dan tur leh nakkum 2015-2016-a hmalak dan turte an sawi ho a, nakkum ah hian project enkawl bik Flagship project neih a nih tur thu te, kum dang aia ruahmanna siam ran a tul thute kalkhawmte chu hriattir an ni.
RKVY hnuaiah hian kumin 2014-2015-a hman tur Cheng Vaibelchhe 56 leh nuaih 96 chu line Department-te hman theih turin Sorkar laipui atangin pek chhuah a ni tawh a. Heng sum te hi Department tinin a hmanna tur an ruahman tawh sa zulzuia hmang tura hriattir anni.
Meeting kaihhruaitu Pu Lalhmingthanga, Agriculture Secretary chuan awmze nei leh tangkai thei ang bera RKVY sum te hi hmang turin Department hotute chu a chah a, Sorkar hnathawkte venghimtu Conduct Rules te zir chiang a, fimkhur taka hna thawk turin a fuih nghal bawk.
