Rashtriya Krishi Vikas Yojana (RKVY) State Level Sanctional Committee (SLSC) chu vawiin khan an Chairman Pu Vanhela Pachuau, Chief Secretary hovin Chief Secretary Conference Room, New Secretariat Complex-ah an thukhawm.

Kum 2012-2013 chhunga RKVY Project hrang hrang Department ten an buatsaih chu ngaihtuahho niin RKVY Normal atana ruahman hi Rs 159.54 crore a ni a, hetah hian Stream-I bikah Rs 119.65 crore a awm a, Sub-scheme hnuaiah Rs 41.36825 crore a awm a ni. RKVY kalpuitu line Department hrang hrang ten an hnathawh dan tur rawtna an thehluh bakah Autonomous District Council pathum te Project thehluh pawh thlir nghal a ni a. Line Department te leh ADC pathum te bakah bawnghnute sawngbawltu Cooperative Society pathum - Aizawl MULCO, Kolasib KOMUL leh Champhai CHOMUL te chhawr tangkai turin RKVY sum hi dah a ni.

RKVY hi Planning Commission in XIth Five Year Plan chhunga India ram Economy than that theihna tur atana mipui tam zawk innghahna Agriculture leh Allied Sector tihhmasawnna atana a duan a ni a. Kum 2007 April a tan niin, Mizoram pawhin 2010-11 atang khan sorkarin kuthnathawktute hamthatna tur atana chak taka hma a lakna zarah a hmang tan ve a ni.

Additional Chief Secretary Pi L. Tochhawng, State Planning Board Member Secretary Pu PL Thanga bakah Govt. of India atangin Sarvesh Rai, Director (Trade &Plant Protection) Ministry of Agriculture pawh a tel.