Vawiin khan RMSA bultumin Champhai District chhunga High School zirtirtute tan In-Service Teachers Training 2015-2016  thawhhnihna neih tan a a ni a. Sub Hqtrs YMA Conference Hall tlangrawta training neih hi a hawnna hun tawi buatsaih chu Pu C. Rodala, DEO, Champhai chuan a hmanpui a ni.

District Education Officer, Champhai chuan zirtirtute mawhphurhna hrang hrang tarlangin, training chu kalphung pangngaiah neih mai lova zirtirtu kalkhawm te chuan an zirlai te hnenah theuh thiamna tak tak zirtir chhuak thei tura training chu hlawk thlak taka hmang turin a chah a ni. In-service Teachers training hawnna hi Pu C Hualrikhuma Deputy DPC RMSA chuan kaihruaiin zirtirtu kalkhawmte chu training hlimawm tak leh thahnem ngai taka hun hmang turin duhsakna a hlan a ni.

Training hi Science, Mathematics leh Social Science zirtirtute tana buatsaih niin, ni 10 chhung neih tur a duan a ni a, November ni 13 thleng a awh ang.

Training chhung hian Pi Rosangzuali Varte, Asst Prof., Govt Champhai College; Pu C. Hualrikhuma, Deputy DPC RMSA; Dr. C Laldawngliana, Assoc. Prof. Govr Champhai College; Pu Lalremliana, Social Worker; Pu A Lalchhuangliana, Asst Prof., Govt Champhai College; Pu C Satthanga Head Asst, DEO; Pi Lalrengpuii, Co-ordinator ,IEDSS; Pu Isaac Vanlalzuala, Asst. MIS Co-ordinator RMSA; leh Pu Samuel L Chhangte, Co-ordinator RMSA ten zirtirna an pe dawn a ni.