Vawiin khan Darlak khua-a RMSA High School Building chu Pu Lalrinmawia Ralte Parliamentary Secretary, Home RD, etc Bialtu MLA ni bawk chuan a hawng.

Hawnna inkhawm Building thara buatsaih Pu Laldangliana DEO/DPC RMSA kaihhruaiah thusawiin Pu Lalrinmawia Ralte chuan hun bichilh tak karah RMSA Building hawnna hun buatsaih theih anih avangin thawktute chungah lawmthu a sawi a. Khuallian chuan kawng hrang hrangah thawktute hi bialchhung mi an nih mek lai hian neitu rilru pu lemlova hna thawk tha lo an awm thin hi a pawi hle a ni tiin hetianga hmasawnna hna thawktute hian a sum senso mila tha tak leh mi dangte tan pawha entawn tur tlinga thawk turin a chah a. Tuna High School Building hawn mek hi a sak dan a tha-in Mizoram a H/S Builsing mawi ber a nih a rin thu sawiin a satute an fakawm a ni a ti. Pu Lalrinmawia Ralte chuan Result tha tak a lo chhuah ngei theih nan a thawktute pawh taima tak leh thahnem ngai taka thawk tura chahin zirtirtute bakah khawtlang nu leh pate pawh zirna boruak tha nei turin a chah nghal bawk a ni.

He hawnna inkhawmah hian Pu S. Lalthanghuta Addl SPD, RMSA pawhin thu a sawi bawk a ni.

Pu Francis Zokailiana Engineer in charge-in Technical Report pe-in he School Building hi 55.5046lakhs senga sak niin Class room 4, Art and Craft room1, library room 1, Science Laboratory room 1, Staff room Toilet nei 1, Clerk room 1, Headmaster room toilet nei 1, Computer room 1, Mipa leh Hmeichhia inthiarna a hran ve ve a siam niin Class room tinah hian naupang 35 zel awm theih tura ruahman a ni bawk Tunah hian zirtirtu panga an awm bawk a ni.

He RMSA School Building hawnna ah hian Mamit atangin Officials, Party hruaitu leh khawtlang hruaitute mi thahnem tak telin Darlak leh a chhehvel khua atangin mi engngemaw zat an tel a ni.