Rashtriya Madhyamik Shiksha Abhiyan (RMSA) Induction Training thawhhnihna ni 10 chhung awh chu vawiin chawhnu khan zawhfel a ni a, kharna inkhawm vawiin chawhnu dar 3:00 khan College of Teacher Education (CTE) Seminar Hall-a neih ah Parliamentary Secretary,School Education Pu Chawngtinthanga chu khuallian niin a hmanpui.

Pu Chawngtinthanga chuan Zoram zirna hi sorkar hotuten vawi tam tak an ngaihtuah tawh thin a, uluk taka kan ngaihtuah chuan kan ram zirna hi a tlahniam lova, a thang zel a ni. Amaherawhchu India ram hmun dang zirna te hi kan pha lo deuh em tih kan ngaihtuah a ni. Zirna chawi kang zel tur hian zirtirtu hi a mawhphurtu ni ah kan ngai a. Tun hma chuan Education hi Political Playfield ah an hmang a, qualify lo te pawh an ek beng a, an appoint pawp pawp a ni. Tunah chuan quality leh qualification hi kan guiding principles-ah kan hmang a ni a ti. Sorkar hian eng ang policy pawh duang mahse, a tihlawhtlingtu chu mipuite kan ni. Sorkar hian kan mamawh min tihsak vek se tihna rilru te, tun hmaa kham khawp neite pawhin sorkarin min tihsak se tihna rilru hian Zoram a chim nasa a ni. Hetiang anih avang hian zirtirtute chu an awmna apiangah tan la a, moral in develop a ngai a ni a ti.

RMSA Induction training thawh hnihna hi ni 15th - 25th May, 2012 chhungin College of Teache Education (CTE) ah neih a ni a, Science Teacher 53, English Teacher 47 leh Mizo Subject Teacher 42 an vaiin 142 an tel a. Heng zirtirtu lak tharte hi CTE a teaching facultu te bakah Mizoram University-a Associate Professor te, SCERT hotute leh Science Consultant ten zirtirna an pe a ni. Induction Training thawhkhatna 1st - 11th May, 2012 chhung khan neih a lo ni tawh a ni.

Induction Training kharna inkhawm hi Pu Lalhmachhuana, State Project Director, RMSA in a kaihruai a, Dr. Hmingthanzuala, Associate Professor CTE in training report a pe a, Pu S. Lalthanghuta Sailo, Additional State Project Director, RMSA in lawmthu sawina hun a hmang a ni.