Vawiin khan Rashtriya Madhyamik Shiksha Abhiyaan (RMSA) Kolasib District chuan zirlai naupangte’n lehkhabu hlutna leh ngainat nachang an hriat a, lehkhabu chhiar an uar  nan Kolasib huamchhunga sikul hrang hranga zirlai naupangte leh zirtirtute tan Synod Bookroom Building, Diakkawn ah Book Fair an buatsaih a. He lehkhabu phochhuahna hi Kolasib DC Pu Jitender Yadav chuan a hawng a ni.

Pu Jitender Yadav chuan he huna zirlai naupang kalkhawmte chu tunlai khawvel changkanna in a hrinchhuah technology leh social media te an hman tangkai rualin lehkhabu ngaihhlutna chang hriaa lehkhabu chhiar uar turin a fuih a. Lehkhabu chhiar atanga an hriatna tizau tura chahin an zirlaibu piah lam lehkhabu tha leh khawvel ina a ngaihhlut ziakmite kutchhuak chhiar thin turin a fuih bawk a ni.

Book Fair hi Kolasib chhunga sikul 26 atanga High School leh Higher Secondary zirlai naupang 600 vel bakah mipui thahnem takin an tlawh a ni.

Hetiang Book Fair hi RMSA hian District engemawzat ah an buatsaih tawh a ni.