Vawiin hian School Education Dept. hnuaia RMSA, SSA leh Mid-day meal Executive Meeting chu Chief Secretary’s Conference hall-ah CS charge latu Pu K.Lalnghinglova hovin neih a ni a, heng central scheme hnathawh te hi thlirin Annual Work Plan & Budget 2016-17 chu pawm a ni.

Meeting hian SSA Annual work plan & Budget 2016-17 atan cheng nuai 19031.85 chu a pawmpui a, hei hi kum hmasa budget aiin 8.17% in a tlem zawk a ni. RMSA Annual Work Plan & Budget 2016-17 atan kum hmasa sum hmuh la hman loh te nen cheng nuai 7356.94 chu pawm a ni bawk a. Mid-day meal Annual Work Plan & Budget 2016-17 atan nuai 2965.86 chu pawm a ni bawk. Heng Scheme atana sum ruahman te hi tun thla chhunga neih chu Project Approval Board (PAB) Govt. of India thlir tur leh pawmpui turin thehluh a ni dawn a. State atanga rawtna te PAB hian a lo thlir a, sum dinhmun leh kalphung atana duan a zirin a pawmsak a, a then chu a paihsak leh thin a ni.

Meeting-ah hian heng Scheme pathum- RMSA, SSA leh Mid-day meal te chu zirlaite leh zirtirtuten an chhawr tangkai thu sawi a ni a, khawpui leh thingtlanga zirna in ten an chhawr tangkaizia te sawilan a ni a, state dangte nena khaikhin pawhin Mizoram chu a titha pawl kan nih thu te sawi a ni bawk. Meeting-ah hian zirtirtuten thahnemngai taka heng scheme hnathawh an tihlawhtling chu a lawmawm thu sawi a ni bawk.

Meeting-ah hian School Education Department Secretary, Director, SSA, RMSA, Mid-day meal Officer te, Department thenkhata EC member-te an tel a ni.