Vawiin khan RNTCP hnuaiah Technical and Operational Guidline ( TOG) Training, Medical Officer (MO), Lab Technician (LT) leh Data Entry Operator (DEO)-te tan a buatsaih chu Mamit District Hospital Eye Building ah tan a ni.

Training hi Dr.Hmingthanmawii Chief Medical Officer (CMO), Mamit kaihhruainain neih a ni a. Dr.PC.Lalliannghaka DMS in fuihna thu sawiin TB hi hneh kan tum tur a ni a, thil engpawh a bulthut kan hriat chian chuan hneh a awl bik a, chuvangin eng natna pawh a awmtirtu kan hriat chian chuan a tih dam a awlsam bik a ni tiin, kan hriat tawhna te ti pung turin training tha tak kan neih a ngai a ni a ti.

Dr.PC.Lalhmingliana, DTO in Training hi a pe a. TB chungchang leh RNTCP hnuaia kal phung thar turte zirho a ni a, Mamit District chhunga Doctor-te an tel tha hle a ni.