Vawiin khan Pu H.D Lalpekmawia SDO(S), Sub Divisional Level Road Protection Squad for Mamit Sub Division Chairman ni bawk hovin  Road Protection Squad Mamit te chuan Mamit khawpui chhunga vantlang kawngpuite an  enfiah.

Road Protection Squad te hian vantlang kawngpui chu mipuite kan him zawk nan leh Lirthei veivak a awlsam zawknan kawngpui dala  insakna bungrua dahte,  Workshop neitute motor siamlai kawngkama dahte, vantlang kawngpui ei heka mimal insa mekte sak chhunzawm lo tur leh kawngpui tana hnawka in sate pawh thiat tura hriattir pek  an ni.

Mamit khawpui chu Lirthei leh mipui pung chho zel kan nih avangin vantlang kawngpuite tihzauha ruahmanna felfai tak siam chu Road Protection Squad te duhdan a nih angin kawngpui thenfai hna hi thlatin vawikhat tal  neih thin ni se tih a ni a, mipui vantlang te pawh he hmalakna hi ngai pawimawha, dan zawm hram hram tura ngen an ni, a bik takin khawpui chhunga Workshop hmanga eizawng tute chu khawpui dai deuha in suan tura hriattirna pek an ni bawk.

Vawiina Mamit khawpui chhung kawngpui  enfiahna ah hian Road Protection Squad Member te an tel tha hle a ni.