Vawiin hian Serchhip District Road Safety Committee chu an Chairman Dr. Lalrozama, IAS, Serchhip Bawrhsap ni bawk  hovin a pisaah an thukhawm a, Road Safety Week, 2017, tun February ni 6 leh ni 11 inkara lo thleng tur hman dan tur an rel.

Dr. Lalrozama chuan, lirthei enkawltuten fimkhur tak leh dan zawm thlap chunga lirthei kan enkawl a pawimawh a, fimkhurna tlakchham hi nunna leh thil tam tak hlohna bul a nih thin avangin sawrkar chuan fimkhur leh dan zawm a pawimawh zia inhrilhhriat tharna hun atan Road Safety Week a ruahman thin a ni, a ti a. Hlawk taka Road Safety Week hman a nih theih nana ruahmanna siam thiam a pawimawh thu a sawi a ni.

Vawiina Meeting hian, Road Safety Week hawnna inkhawm chu 6^th February, 2017 dar 11:00 a.m ah DC Conference Hall neih nise an ti a, Week chhung hian Serchhip a lirthei zawng zawng endik hna thawh nise tiin a rel a. Serchhip a Passenger phur thin lirthei khalhtute zawng zawng Week chhung hian Training pek vek nise an tih bakah, Cable TV ah lirthei khalhtute leh kawnga kal mipuite himna chungchang Talk Show buatsaih nise an ti a, State Road Safety Council atanga lo thleng, Road Safety Advertisement clip chu a tam thei ang ber Cable TV hrang hrangah tihchhuah tura hmalak nise a ti bawk.

Vawiina meeting ah hian Serchhip SP Pu Lalringdika, MPS leh Serchhip District Road Safety Committee member dangte an tel a ni.